袁太而家有好多湯都唔飲得,
但無理由因為自己冇湯飲而唔煲湯俾袁生架,
有咩湯可以煲呢
其實可以煲節瓜或者煲南瓜既,
但因為袁生唔鐘意飲南瓜湯,
所以只有節瓜可以選擇,
而煲節瓜湯離不開都係用眉豆花生,
但今次唔用鱆魚,雞腳,
就咁簡簡單單用栗子煲,
雖然味道就略為淡口左少少,
但都幾好飲架,
最緊要袁生冇話唔好咪得囉!
~節瓜栗子排骨湯~食譜
1.排骨先出水,栗子去皮備用.
2.節瓜刮乾淨,眉豆,花生洗乾淨.
3.煲內放入適量的水,落蜜棗,眉豆花生煲15分鐘.
4.加入栗子,排骨煲30分鐘,再加入節瓜煲30分鐘.
5.轉慢火煲1小時,下少許鹽調味,即可.
你既調理身體計劃幾時會完呀???希望快D聽到你好消息...不過記得頭3個月唔好講住...開心都忍一忍先...希望你生個龍BB...
回覆刪除[版主回覆12/19/2011 22:03:37]我都希望可以盡快有好消息...
[MR.MOON回覆12/19/2011 19:41:33]新年禮物囉...冇所謂既...只是緣份未到...平常心好快有好消息啦...
[版主回覆12/19/2011 18:59:51]而家一星期睇一次,我諗有左bb個計劃先會完,我之前以為今個月會有好消息,點知又衰左,以為會有份聖誕禮物送俾袁生添,唯有寄望新年禮物喇!
加粟米可以嗎
回覆刪除