前幾日係袁太爹地生日,本來諗住整爹地最鐘意的栗子蛋糕
但當買晒材料番屋企的時候,居然唔記得最重要的栗子蓉,咁點算呢 ???
咪整唔到囉,唯有睇下可以整咩蛋糕代替先
於是袁太就去吉吉島睇下有咩買,見到生果個邊有新鮮芒果賣
仲要已經切左片添,咁啱晒喇,一於轉整芒果卷俾爹 地,唔知呀爹鐘唔鐘意呢 ???
不過其實整芒果卷同整瑞士卷的做法差唔多,最緊要係捲的技巧
好彩今次整得好成功,一次就OK,不過最緊要係呀爹啱唔啱食
後來袁太打電話番屋企問好唔好食,雖然爹地話好味,但又話個芒果卷實左少少
不過整體上都唔錯,可能始終呀爹都係喜愛栗子蛋糕多d
咁下次等我再整栗子蛋糕番去俾佢地食先 !
芒果卷
材料: 蛋黃<80g>,低筋麵粉<100g>,蛋白<160g>,泡打粉<1g>,砂糖<90g>,粟米油<60g>,他他粉<2g>,水<50g>,鹽<少許>,芒果片<適量>
做法:
1. 焗爐用170C預熱10分鐘
2. 粟米油加入水座暖後,然後加入低筋麵粉,泡打粉,攪拌至沒有粉粒狀,慢慢加入蛋黃,再攪拌至光滑麵糊備用
3. 蛋白打至起泡,加入他他粉,鹽再打,然後砂糖分三次加入直至硬性發泡
4. 先取1/3蛋白霜加入蛋黃麵糊內,用刮刀拌勻,再將其餘的蛋白霜倒入,輕手拌勻至完全混合
5. 麵糊倒入已放上牛油紙的焗盤上,抹平用160C焗約20分鐘
6. 出爐後倒扣放涼,再換上另一張牛油紙,抹上奶油,打發甜忌廉,鋪上芒果粒捲成卷狀
7. 再將芒果片鋪在芒果卷上,放入雪櫃冷藏30分鐘即可
整得好靚呀...卷好似好難卷...好易難...你可以整到咁圓滑...好叻呀你...
回覆刪除[版主回覆12/08/2011 15:00:24]其實有d位都爛爛地架,不過經我修飾過先出得鏡咋...
請問個蛋糕未卷時大約有幾大塊? (我想整呀~THX~)
回覆刪除分享烘焙心得:http://blog.yahoo.com/rillakkuma_sweet
能否告知這焗盤的尺寸thanks.
回覆刪除[版主回覆04/28/2012 12:18:33]個焗盤俾我掉左lu,但我記得大約7-8寸到喇!