2012年1月25日 星期三

炸慈菇片



又到新年喇,每到新年的時候,袁太一定會整賀年食品,今年亦都唔例外,因為唔整的話,袁太總會覺得好似欠缺某d野咁,不過今年同上年一樣,都係整炸慈菇片同埋炸芋蝦,今年袁太亦都有新嘗試,就係試下整黃金糕,唔知難唔難整,成唔成功呢 ???


好喇 ! 講番個主角"炸慈菇片"先,記得上年整的慈菇片簡直超樣衰,因為當時冇切片器幫手,只係用刀切,所以每片的厚度都唔一樣,同埋大部份都炸燶晒,但今年唔同喇,屋企有個切片器,不過袁太一開始就割傷左隻手,因為個切片器太利喇,攪到大年初一即見紅,割傷"中指"d血係咁流。



袁生見到我整親隻手,又話我做咩咁唔小心,係驚左我的情況下,袁生就幫我切薄片,真係塊塊都咁薄,炸出黎仲好靚添,好似薯片咁,而味道方面梗係OK喇,咪慈菇味囉,哈...今年整得咁靚都係多得袁生幫手咋。

Sample picture Sample picture

~炸慈菇片~

材料:
慈菇 ------ 1斤(約10粒)
鹽 ------ 少許


做法:
<1>將慈菇洗淨,外皮,用切片器切成薄片(可用刀切,不過厚度會唔平均,因為慈菇太細舊,切到尾尾的時候會好難切,小心手指)。


<2>將切好的慈菇片用廚房紙稍為吸乾水份。

<3>鑊中加入大量油,以慢火將慈菇片炸成金黃色脆片。


<4>撈起瀝乾油份後,灑上少許鹽調味即可。

2 則留言:

  1. 寧靜中的不寧靜2012年1月26日 清晨7:55

    而家呢, 有d護手器買架, 可以俾你安心去刨野~如果你成日都需要用到, 可以考慮下架~
    [版主回覆01/27/2012 15:00:59]咁我又唔會成日去,不過如果今次唔係整親手的話,袁生都唔會幫手喇!

    回覆刪除
  2. 年年我都話想整...不過每次都怕會太熱氣...新年一病好麻煩...所以最後冇整到...
    [版主回覆02/21/2012 18:49:56]好似薯片咁脆卜卜!
    [MR.MOON回覆02/21/2012 18:41:52]我屋企兩個人少少熱氣都容易病架...所以真係好頭痛...
    慈菇片我從來未食過架...不過我直覺覺得好好食...
    [版主回覆02/21/2012 16:38:49]一年整一次姐,熱氣少少都冇所謂喇,最緊要整完出黎好受歡迎,好開心架!

    回覆刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......