上次買左d好靚的急凍排骨,今次再買用黎炆,唔知係咪都咁好味呢?
今次又買左好靚的半肥瘦急凍排骨
一於用梅菜炆喇
一定會好好味
不過其實之前袁生唔贊成用梅菜
因為如果用梅菜
佢淨係鍾意梅菜扣肉
但邊有時間去炆扣肉喎
炆排骨咪一樣
袁生終於係唔願意的情況下答應左
到開飯的時候
袁生都不知幾鍾意呢個炆排骨
超之前又叫我唔好整
整完出黎又係咁食
唉...不過算喇,只要袁生鍾意就冇問題喇!
~梅菜炆排骨~
材料:
急凍排骨-$15/甜梅菜-1棵/薑-3片/紹油-適量
做法:
<1>
排骨解凍後加入醃料醃30分鐘,甜梅菜浸洗後切粒備用.
<2>
燒紅鑊(唔落油),下梅菜粒炒香後加少許麻油,盛起.
<3>
燒紅鑊,爆香薑片,加排骨爆香後贊少許酒兜勻.
<4>
加入水蓋過材料,再加少許老抽,冰糖調味,待滾後加入梅菜兜勻,用慢火炆約30分鐘即可.
d排骨吸哂d梅菜汁...又溶溶地.......我個人鍾意梅菜d葉多少少.....甜既好dd~
回覆刪除[版主回覆02/22/2012 15:46:23]係呀!係超一流...
[寧靜中的不寧靜回覆02/22/2012 07:47:30]撈飯一流~
[版主回覆02/21/2012 16:49:22]d排骨好腍好好味,梅菜更加唔駛講"超正"
hihi,請問系晤系一定要甜梅菜????
回覆刪除[版主回覆02/23/2012 15:38:57]以前聽婆婆講,如果用梅菜蒸餸就用甜梅菜,如果炆餸就要鹹,甜兩溝,其實我炆呢個排骨應該兩種梅菜都要,不過我唔記得買鹹梅菜,所以咪淨係用甜梅菜囉!
hi,我今日試左整,好好昧,送飯一流~~我覺得你好勁亞,識整甘多菜.....我都成日睇你個blog偷師學煮,因為我本身系晤識煮菜><''
回覆刪除[版主回覆03/07/2012 15:53:27]傻喇,講到煮餸有好多人叻過我,唔好話偷師^3^大家一齊分享下,希望我的食譜啱你睇喇!