攪到夜晚好快就肚餓，因為食唔飽ma
但肚餓的時候又唔想食麵包同餅乾呢類食物
所以就向糖水入手
木瓜雪耳糖水係袁太其中一樣至愛
因為木瓜的甜味，雪耳的滋潤
簡直好味到唔知點形容(會唔會講到誇張左D呢)
其實本來諗住加埋無花果架
但原來之前煲湯的時候，已經沽清晒未入貨
唯有散略唔用無花果喇
不過其實袁太想知道，係咪大多數男人都唔太好木瓜呢類生果呢 ???
點解袁太會想知，咪就係因為袁生唔鐘意囉
所以今次呢個糖水
袁太只係整左好少份量，一個人食就足夠，袁生冇份 !
冰糖木瓜燉雪耳
材料 : 木瓜<1個>，雪耳<1個>，南北杏<少許>，冰糖<適量>
做法 :
1. 首先將雪耳浸水至軟身後，切去蒂後再切成細份
2. 木瓜去皮去籽切件備用
3. 將所有材料放入燉盅內，加入約兩碗熱水，放入電子燉煲內燉1小時即可
木瓜雪耳糖水，永遠都係熱食先最好味
同埋夠晒滋潤
而家天氣有時凍凍地，大家都燉下糖水食下喇 !
祝你身体健康！
回覆刪除[版主回覆01/22/2013 21:32:24]多謝晒!
袁生冇"炸"你型咩? 只係你有份....
回覆刪除可以自己整餅乾, 起碼食起黎開心D, 興趣高D~
[寧靜中的不寧靜回覆01/26/2013 06:39:16]呢招真係高高招......
[版主回覆01/25/2013 15:36:10]係角落位細細聲自己係度講"如果有人煮糖水俾我食就好喇",但細聲得黎又特登要俾我聽到喎,咁我有咩法子唔整糖水俾佢呢!
[寧靜中的不寧靜回覆01/25/2013 06:35:54]佢點抗議呀?????
[版主回覆01/23/2013 16:34:20]袁生的無聲抗議已經係昨晚發生了,逼於無奈煮左佢至愛的綠豆沙塞住佢把口!
[寧靜中的不寧靜回覆01/23/2013 07:10:15]又係喎......冇先等人驚....無聲抗議???
[版主回覆01/22/2013 21:33:10]就係冇先得人驚,平時好少整麵包餅乾個D!