2013年5月22日 星期三

健康...不健康??? <附五色蔬菜炒餐肉食譜>

最近放工又夜左,本來諗住打俾袁生問下想食咩買外賣做晚餐就算,點知 ... 袁生居然話想我煮飯食 ... 究竟今日發生什麼事 ??? 袁生會自動自覺叫我煮飯真係世界變

不過附近街市已經收晒,咁究竟我可以煮D咩呢 ???

其實諗煮咩之前係咪應該諗下屋企有咩可以煮先呢之前超市午餐肉減價入左貨,雪櫃好似仲有少許蔬菜剩咁就好簡單咁將佢地一齊炒,快捷又方便不過罐頭一向俾我感覺都唔太健康,成日食對身體都唔太好但我又同有益的蔬菜一齊炒


咁究竟呢碟餸係健康定唔健康呢 ??? 攪到我自己都好矛盾添不過正所謂好又一餐,唔好又一餐姐最主要袁生冇投訴就得喇 !





五色蔬菜炒餐肉
材料 : 午餐肉(細)<1罐>,青瓜<半條>,磨菇<5粒>,甘旬<1條>,粟米芯,西芹,蒜蓉,蠔油<適量>


做法 :
1. 青瓜去皮切片甘旬去皮切粒粟米芯切半,磨菇洗淨切片,西芹去纖維切粒備用

2. 燒滾水,加入油鹽調味放入西芹粒甘旬粒煮5分鐘盛起隔去水

3. 燒紅鑊,將午餐肉切粒落鑊煎香盛起

4. 原鑊爆香蒜蓉,將所有蔬菜炒至熟透後加入午餐肉一同兜勻

5. 最後加入少
許蠔油調味即可



3 則留言:

  1. 寧靜中的不寧靜2013年5月23日 清晨6:45

    一餐半餐冇所謂啦~~~~~~~
    我鍾意D午餐肉有粒粒既~~!
    [版主回覆05/24/2013 11:07:11]咁我又唔係食左好多,一大半俾袁生吃晒!
    [寧靜中的不寧靜回覆05/24/2013 06:54:14]你食左幾多粒午餐肉先????
    [版主回覆05/24/2013 02:07:39]雖然一餐半餐冇所謂姐,但始終唔健康對我黎講!

    回覆刪除
  2. 我間唔中都喜歡食午餐肉 !
    [版主回覆05/24/2013 02:07:58]但成日食都唔太好

    回覆刪除
  3. 午餐肉真係麻麻地健康,間唔中食下好喇~~ 水太太覺得扎肉或者丸會唔會好d呢?但你呢個有好多瓜菜,拉番勻啦~~
    [版主回覆05/25/2013 01:53:37]扎肉我都ok,但袁生唔愛,丸都還可以!

    回覆刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......