平時袁太廚房唔會見到有韮菜花的出現,因為 ... 袁生唔愛,但我偏偏要買一扎回來,大不了袁生唔食我咪自己食晒佢,將炒好的韮菜花墊底就可以了
袁生食飯的時候問我,點解妳最近成日煮D我唔太好的食物呢 ???
其實都冇咩點解,主要原因咪就係想迫你食多D你唔喜愛的食物,雖然袁生用左斜視的目光望住我,但好乖食左好多韮菜花,抵錫兼抵讚 !
魚肉釀雞脾菇
材料 : 韮菜花<1扎>,雞脾菇<1條>,鯪魚肉<$10>
醃料 : 生粉,生抽,糖,麻油,胡椒粉,水<適量>
做法 :
1. 鯪魚肉加入醃料拌勻至起膠,醃30分鐘備用
2. 韮菜花洗淨切段,雞脾菇切薄片
3. 雞脾菇沾上少許生粉,將適量魚肉釀在雞脾菇上
4. 燒紅鑊,將韮菜花炒香,加入少許雞粉,鹽拌勻,炒至韮菜花軟身盛起放上碟
5. 將魚肉雞脾菇放入鑊中煎至兩面金黃色,盛起放在韮菜花上即可
魚肉豆腐就成日食...釀菇幾特別...有機會都試下先
回覆刪除[版主回覆08/26/2013 00:29:02]如果成日釀豆腐都幾悶架
釀菇菇又好特別喎......一定好好味.....
回覆刪除韮菜花又唔係好難入口喎..........不過如果切成碎, 再釀入去既話....
你估袁生會罷吃, 再施加精神壓力令你煮第二D野呀, 定係遂粒挑哂出黎呢???
[寧靜中的不寧靜回覆08/28/2013 06:19:11]me too~~
[版主回覆08/27/2013 22:14:52]如果佢唔想食真係會唔食架,好鬼有性格
[寧靜中的不寧靜回覆08/26/2013 05:35:00]袁生係一個好有性格既人嘛...佢唔食都...唔太出奇呢...
不過我諗佢都好清楚有咩後果.....哈
[版主回覆08/26/2013 00:30:17]我咁辛苦煮餐飯出黎 , 如果佢敢罷吃 , 我一家唔會放過佢
但係咪要煎好耐先熟?較厚難熟?
回覆刪除[版主回覆08/26/2013 00:31:40]又唔係喎,其實煎到兩面金黃色就可以了,好快熟架咋,而家D人真係好偏食,不過我自己都有一兩野係唔食既
[KL回覆08/23/2013 13:26:33]記得我們細個時候,媽咪煮什麼我們都要照單全收.不可以揀飲擇食.當其時又無問題,而家d人有幾十樣嘢係唔食,我屋企都有1個
一睇就知好味啦
回覆刪除[版主回覆08/26/2013 00:32:08]係呀,好好味架
鯪魚肉是我至愛呀 !!
回覆刪除[版主回覆08/26/2013 00:32:28]亦都係我至愛
嘩~呢個好吸引~我鍾意呀
回覆刪除[版主回覆08/27/2013 22:15:30]妳鍾意我就開心喇