而袁太就企係愛呢邊，袁生當然係同我攪對抗，企係不愛個邊，其實大部份人唔喜愛食涼瓜的原因都係怕苦姐，只要行出第一步，就會覺得涼瓜其實味道唔錯，不過話雖如此，呢幾句說話我曾經同袁生講過，袁生當然係唔理我喇，仲同我講左一大堆佢所謂的道理
事緣係咁，大約上個月我想整涼瓜做晚餐，袁生一口拒絕"我唔食涼瓜，咁鬼苦，妳千萬不要煮，就算煮左我都唔會食"，大家係咪覺得袁生好鬼串，好鬼賤格呢 ???
當我講，你唔試又點知唔好味呢，點知袁生一句突埋黎，"榴槤夠好味喇，又唔見妳食"，我頂 ... 真係下句都唔知可以講咩好
今日行經街市見涼瓜大大個，就忍唔住買左一個回家整煎蛋做晚餐，食飯時候，我冇提過煎蛋入面有涼瓜，袁生亦都食唔出，到食完之際，我先同袁生開估入面有涼瓜架，但袁生居然冇咩反應，仲話味道唔錯，唔知今次的涼瓜煎蛋攻略可唔可以令到袁生對涼瓜改觀呢 ???
涼瓜菜脯煎蛋
材料 : 涼瓜<1個>，菜脯<適量>，雞蛋<3隻>
做法 :
1. 涼瓜切薄片，用少許鹽醃30分鐘去澀味，洗淨瀝乾水份，菜脯切粒備用
2. 雞蛋打發成蛋液，加少許生抽調味拌勻
3. 燒紅白鑊，將涼瓜片，菜脯粒放入鑊中烘乾水份，盛起待涼後放入蛋液內拌勻
4. 燒紅鑊，將蛋液逐少逐少煎成蛋餅狀即可
我係同袁生同一伙.......我都係怕苦....即使甘甘地都唔得......
回覆刪除如果我媽問我食唔食, 我既答案肯定同袁生既2個答案一模一樣.....哈哈
袁生係唔係以為係西蘭花????
[寧靜中的不寧靜回覆08/23/2013 05:26:08]真係有好多樣野好似....
可能大家係同一條村出來的...."挑食&難服侍村"...
[版主回覆08/22/2013 22:54:15]袁生冇講佢覺得似咩喎 , 原來妳同袁生好多關於食方面都好相似!
以前食都好怕苦，可能年幾大左吃慣左苦而家無咁怕苦啦
回覆刪除[版主回覆08/22/2013 22:56:41]我以前都係唔喜愛苦瓜,可能真係年紀漸漸大,口味都變了
如果食涼瓜, 我淨係食涼瓜炒蛋
回覆刪除[版主回覆08/22/2013 22:57:59]涼瓜炒蛋都好正
我食架,你煎得好靚.唔駛理d c6,成曰要就佢地.甘人地鐘意食自己煮有咩問題?
回覆刪除[版主回覆08/22/2013 22:57:34]要理架,如果煮左佢真係唔食咁點算喎
>.<
回覆刪除我同袁生一樣都唔食! 怕苦....!
[梁少奶 ^v^回覆08/24/2013 23:28:41]kaka佢食a
[版主回覆08/22/2013 22:58:34]原來妳係一個怕苦之人,咁梁生食唔食架???
我好鐘意食涼瓜架...不過我d housemates都係唔食
回覆刪除[版主回覆08/22/2013 22:59:10]涼瓜的味道真係唔係人人都接受得到
如果告訴佢涼瓜可治病, 有治青春豆, 佢會唔會多食點呢?
回覆刪除昨天去景逸酒樓(高級飯館)食飯, 見佢哋有味紫菜炒涼瓜, 很細碟, 很貴啊!
[阿黃送金桔回覆08/22/2013 23:14:31]是啊! 味道沒什麼特別. 生生的.
[版主回覆08/22/2013 22:59:58]紫菜炒涼瓜,個配搭好似好怪咁既
我成日覺得食苦瓜同日本人食納豆咁，去到某一個時間就會懂得欣賞而變得喜歡食。
回覆刪除[版主回覆08/22/2013 23:00:25]咁妳喜唔喜歡呀
我都好鍾意食涼瓜架, 好味道!!!
回覆刪除[版主回覆08/22/2013 23:01:06]其實涼瓜真係好正架
3樣都是我至愛呢 !
回覆刪除[版主回覆08/22/2013 23:01:35]咁開心
煎得好靚呀！
回覆刪除[版主回覆08/26/2013 00:34:25]金金黃黃當然靚喇