街市的栗子開始靚 , 粒粒都圓碌碌好得意呢
平時我最喜愛用栗子煲湯
不過今次唔煲湯喇 , 用來炆吧 ......
如炆栗子 , 我最愛加雞翼一齊炆
但除雞翼同栗子 , 我會再加上甘旬粒 , 薯仔粒同洋蔥
加入蠔油獻汁炆佢15分鐘
話咁快就攪掂呢
好好送飯的一道餸
雖然呢幾日有少許胃痛 , 但實在忍唔到口唔食栗子
食完先再算吧 ^^.
材料有雞中翼 , 栗子 , 洋蔥 , 薯仔 , 甘旬 , 薑片 , 蒜蓉
雞中翼加入醃料拌勻醃2小時 , 栗子放入滾水中煮5分鐘 , 盛起去殼 , 甘旬 , 薯仔 , 洋蔥去皮分別切粒
再加入甘旬粒 , 洋蔥 , 薯仔粒拌勻炒片刻 , 加入調味料用中火炆15分鐘至汁料收乾即可
材料雞中翼1磅 , 栗子 , 洋蔥1個 , 甘旬1條 , 薯仔1個 , 薑片 , 蒜蓉
醃料生抽 , 糖 , 生粉 , 麻油 , 酒
調味料蠔油 , 生抽 , 老抽 , 鹽 , 糖 , 水
做法1. 雞中翼洗淨抹乾水份 , 加入醃料拌勻醃2小時
2. 栗子放入滾水中煮5分鐘 , 盛起去殼 , 甘旬 , 洋蔥 , 薯仔分別去皮切粒
3.燒紅鑊 , 爆香薑片及蒜蓉 , 加入雞翼快炒至轉色 , 贊少許酒 , 加入栗子拌勻
4. 再加入洋蔥 , 甘旬 , 薯仔拌勻炒片刻
5. 加入調味料用中火炆15分鐘至汁料收乾即可
只係呢碟雞翼 , 我都可以食到幾碗飯呢 ^^
雞翼真係老少咸宜。
回覆刪除EE講得冇錯呢 , 雞翼真係大人小朋友都愛 , 而且雞翼做法多多 , 樣樣都好美味呢 ^^
刪除講起栗子, 真係懷念以前0係街邊賣既炒栗子......不過...動去殼當然唔係我啦...~
回覆刪除一入秋, 就好想食炆栗子雞, 鴨......唔知點解一日未入秋, 都硬係覺唔太好食...
我上年都係屋企整過街的炒栗子 , 味道都有九成似架 , 袁生又係唔喜愛去殼 , 所以我次次都去晒殼俾佢食 ^^ , 我都想知幾時先到秋天 , 天氣仲係好熱呢 ><
刪除請問你栗子D衣點去架? 我都想整, 不過吾識做. >.<
回覆刪除栗子放入熱水中煮5分鐘 , 盛起去殼就可以 , 一定要栗子熱的時候去殼 , 如果栗子放涼了就好難架喇
刪除我都好鍾意用栗子煲湯~加咗的話個湯就好甜呢~!
回覆刪除係呀,栗子煲湯我最愛用蓮藕煲呢
刪除栗子當造我也煮栗子雞，真係好好味！煮雞翼仲正 ~ 好肚餓呢 ~
回覆刪除~哈~咁小高都快來整個栗子雞食下喇
刪除