平時好驚驚炒滑蛋的我 , 因每次想炒滑蛋都變成炒熟蛋
但袁生真係好喜愛食蝦仁炒滑蛋喎
我點都要再炒一次 , 如果都係炒唔到袁生想食的滑蛋
就放棄 ......
蝦仁袁太選擇係急凍店買 , 二十大洋已經有好多份量
而且炒完出來唔會點縮水
一般炒蛋都會加蔥粒
但袁生就至討厭食蔥 , 所以我就自把自為
加粟米粒同蘆筍粒 , 加左粟米粒甜甜地唔錯架
今次的炒滑蛋袁生都幾滿意 , 當然喇
袁太真係企定定睇住D蛋 , 等佢差不多凝固就兜勻佢
兜到滑蛋狀即刻熄火 , 上碟 , 完成 ^^
材料有雞蛋 , 粟米粒 , 蘆筍 , 急凍蝦仁
雞蛋打成蛋液 , 加入少許麻油 , 鹽調味 , 將粟米粒及蘆筍粒放入蛋液內拌勻
材料雞蛋4隻 , 急凍蝦仁半磅 , 蘆筍1條 , 粟米粒
醃料鹽 , 胡椒粉 , 麻油
做法1. 蝦仁背部橫切一刀 , 去腸 , 洗淨抹乾水份
2. 加入醃料拌勻醃30分鐘
3. 蘆筍切粒加入水中煮3分鐘 (水中放入油及鹽拌勻) 盛起備用
4. 雞蛋打成蛋液 , 加入鹽及麻油調味 , 將粟米粒及蘆筍粒加入蛋液內拌勻
5. 燒紅鑊 , 先爆香蝦仁至轉色
6. 盛起放入蛋液內 , 再將蛋液連所有材料一同倒入鑊中
7. 快手炒至蛋液成滑蛋狀 , 熄火上碟即可
又係好好送飯的一道菜呢 ^^
妳炒得好靚好吸引好想食！
回覆刪除用雪蝦會唔會無咁好味呢？因為在外用膳D雪蝦多數都無味！
又唔會喎 , 蝦仁炒蛋多數都用雪蝦來炒呢
刪除蝦~蝦~蝦~~~ 又係我既最愛~
回覆刪除以前聽煮食節目, 好似加生粉水入去D蛋汁, D蛋好似滑D??
我都聽過下加生粉會令蛋滑d , 但冇試過呢
刪除蝦仁~我買吉吉島嗰D PACK裝~方面~同埋幾爽口~
回覆刪除等我下次都去吉吉島睇下先 ^^
刪除好滑滑呀
回覆刪除今次炒得好算滑 , 不過下次可以再好d呢
刪除炒得好靚, 好滑呢! :)
回覆刪除今次都算炒到滑蛋 , 但下次一定要炒得更好 ^^
刪除呢期我都鐘意買呢隻粗身的露筍，配蝦仁真係好味又易煮，今晚我會整黑木耳露筍蝦仁。
回覆刪除我都好喜愛黑木耳,不過袁生唔多食,所以平時好少會煮
刪除