韓式辣炒豬腩片

平時好喜愛食韓國食物的我

無論韓國零食 , 小食 , 雪糕 , 前菜我統統都愛

不過最愛還是韓國燒烤吧 ......



前幾日本想邀請袁生去食韓國燒烤

但已經好快俾人拒絕了 , 話熱氣喉嚨痛喎

~超~ 既然喉嚨痛就唔好食咁多煙喇 , 又成日食薯片

不過其實我知袁生一向唔多喜愛食燒烤

所以都唔會迫佢呢



唯有自己在家整韓國小菜食下

最近天氣開始涼 , 街市急凍店已經多左好多火鍋材料賣

無意中發現有火鍋豬腩片 , 片片都半肥瘦 , 好吸引

買了一包回家用韓國辣椒醬炒

辣辣地又甜甜地 , 好送飯

如果加埋泡菜就更加好 , 不過袁太事後先醒起呢 ^^



材料 : 火鍋豬腩片 , 洋蔥 , 蒜頭 (一半剁蓉 , 一半切細粒) , 韓國辣椒醬 , 糖漿

蔥洗淨切段 , 洋蔥切片 , 白芝麻適量 , 豬腩片加入醃料醃2小時至入味

燒紅鑊 , 爆香蒜蓉後加入豬腩片炒至轉色 , 加入蔥段及洋蔥 , 拌勻炒至腩片熟透及洋蔥軟身

最後加入白芝麻拌勻即可

 
材料
火鍋豬腩片 , 洋蔥1個 , 蔥段 , 白芝麻 , 蒜頭

醃料
韓國辣椒醬1湯匙 , 糖漿 , 生抽 , 老抽各1茶匙 , 糖 , 麻油 , 蒜蓉



做法
1. 蔥洗淨切段 , 洋蔥切片 , 豬腩片加入醃料醃2小時至入味

2. 燒紅鑊 , 爆香蒜蓉後加入豬腩片炒至轉色 

3. 再加入蔥段及洋蔥 , 拌勻炒至腩片熟透及洋蔥軟身

4. 最後加入白芝麻拌勻即可 




袁太最愛辣辣的食物呢 ^^