明日係年初一 , 袁太提早同大家拜早年呢
希望大家羊年開開心心 , 事業蒸蒸日上 , 身體健康 , 賺多多錢 , 心想事成
亦希望袁生的畫圖工作長做長有
賺大錢養我呢個大食老婆 ......
~哈~ 今日繼續糕糕食譜系列
過年期間對於我來說 , 可以冇芋頭糕同馬蹄糕
但蘿蔔糕一定唔可以冇呢
以往婆婆同公公一定會整好多好多底俾我地食
但自從過世後就由媽咪接手
媽咪每年只會整三至四底 , 仲只係整蘿蔔糕 (冇其他糕食架)
最近呢幾年媽咪又懶 , 只會出外買
但街的蘿蔔糕真係有點兒那個難食 , 完全冇料
所以由上年開始到我呢代接手蒸糕糕
整俾自己外 , 仲有媽咪爹地 , 老爺奶奶 , 家姐姐夫等等 ...
真係整到腰都就快斷呢
一般人整蘿蔔糕都係刨絲 , 以我就比較喜愛切幼絲
蒸完出來還有一條條蘿蔔絲的口感
我同袁生都比較喜愛這款
蘿蔔糕蒸食又得 , 煎食都得 , 最愛煎到濃濃的
灑上勁多胡椒粉一齊食
真係諗到流晒口水添 ^^
材料 : 白蘿蔔 , 臘腸 , 臘肉 , 蝦米 , 冬菇 , 粘米粉 , 蔥粒 , 白芝麻
冬菇浸軟切粒 , 蝦米浸軟切細粒 , 臘腸 , 臘肉加入熱水沖洗乾淨後切粒 , 白蘿蔔去皮切薄片後再切成幼條
原鑊加入白蘿蔔條炒香 , 熄火加入調味料及餡料拌勻 , 將之前留起的蘿蔔水與粘米粉拌勻成粉漿後 , 加入蘿蔔內拌勻
糕盆抹少許油 , 將材料放入 , 用刀壓平 , 放入鑊中用中火蒸1小時 , 取出灑上炒香的白芝麻及蔥粒即可
材料白蘿蔔1斤半 , 臘腸4條(短) , 臘肉1/2條 , 蝦米 , 冬菇 , 粘米粉3/4杯 , 蔥粒 , 白芝麻
做法1. 冬菇浸軟切粒 , 蝦米浸軟切細粒
2. 臘腸 , 臘肉加入熱水沖洗乾淨後切粒
3. 白蘿蔔去皮切薄片後再切成幼條
4. 燒紅鑊 , 將白蘿蔔條用中火炒香 , 加入約1碗份量的水拌勻
5. 炒至白蘿蔔半透明盛起 (煮白蘿蔔水留起)
6. 將臘腸 , 臘肉放入鑊中炒香至出油份
7. 再加入蝦米 , 冬菇拌勻炒至熟透盛起
8. 原鑊加入白蘿蔔條炒香 , 熄火加入調味料及餡料拌勻
9. 將之前留起的蘿蔔水與粘米粉拌勻成粉漿後 , 加入蘿蔔內拌勻
10. 糕盆抹少許油 , 將材料放入 , 用刀壓平
11. 放入鑊中用中火蒸1小時 , 取出灑上炒香的白芝麻及蔥粒即可
蒸完待涼放入雪櫃雪至硬身 , 食時切件煎香 ~yummy~
我唔識做,街的蘿蔔糕好鬼難食,所以唔食,除了朋友送給我食
回覆刪除街買的又冇料又冇味 , 所以想食都要自己整
刪除心想事成、萬事如意、步步高陞、身體健康、笑口常開、財源滾滾、新年快樂呀!
回覆刪除新年快樂 , 身體健康 ^^
刪除袁太, 恭喜發財，祝你同袁生身體健康，大吉大利，團團圓圓，萬事如意, 喜氣洋洋。
回覆刪除恭喜發財cici , 祝妳身體健康 , 心想事成 , 羊年行好運 , 日日煮好餸 ^^
刪除祝你們身體健康, 喜氣洋洋, 幸福滿載, 心想事成, 恭喜, 恭喜. ^^
回覆刪除祝Mickey一家身體健康 , 心想事成 , 小朋友乖乖巧巧 , 讀書叻叻
刪除袁太~恭喜發財~!祝你羊年大吉大利~四季平安~
回覆刪除恭喜發財 , 祝黃師奶身體健康 , 生個肥肥白白的羊小B ^^
刪除Elanie, 恭喜發財！祝你步步高陞、大吉大利！想咩有咩 ~
回覆刪除祝小高同主任身體健康 , 心想事成 , 要咩有咩 , 恭喜恭喜 ^^
刪除新年快樂呀袁太, 新一年祝你新煮意日日有, 一家人健健康康, 袁生長搵長有~
回覆刪除恭喜發財 , 新年快樂 , 祝大肥人一家身體健康 , 羊年行好運 , 心想事成
刪除請問粘米粉3/4杯係大約幾多g呢?
回覆刪除