[黃金粒粒] 鹹蛋粟米粒炒鮮蝦仁

上次煲湯的時候還剩下一條粟米放在雪櫃

心想用來起粒整肉餅好嗎

但又唔想買舊豬肉回來剁到手殘廢

咁我應該如何處理條粟米好呢 ......



唯有去街市走走 , 睇睇有咩材料可以配搭粟米粒

經過魚檔見基圍蝦唔錯 , 中size , 唔會太細隻

保守少少買半斤回家去殼 , 然後又經過雞蛋店

見到鹹蛋又買了兩隻回家

回家後將材料放上枱面 , 只有鹹蛋 , 一條粟米 , 新鮮蝦

究竟我買回來係想煮什麼呢 ???



突然想起黃金蝦 , 一於決定整黃金蝦 (去殼版)  

只不過係加埋粟米粒一起炒

蝦仁同粟米同樣吸收了鹹蛋黃的味道

都係好好送飯呢 ^^



材料 : 基圍蝦 , 粟米 , 鹹蛋 , 雞湯 , 蒜蓉 , 薑蓉 , 辣椒

粟米起粒沖洗乾淨 , 鹹蛋洗淨 , 基圍蝦去殼去腸 , 背面界一刀 , 用生粉沖洗兩次後 , 用廚紙抹乾水份

燒滾水 , 加入粟米粒灼3分鐘盛起瀝乾水份 , 再加入鹹蛋用中火煮15分鐘 , 盛起待涼 , 蝦仁加少許鹽 , 胡椒粉 , 酒拌勻備用

燒紅油鑊 , 將蝦仁沾上薄薄生粉 , 放入油鑊內用中火炸至轉色熟透 , 盛起瀝乾油份

鑊中加入鹹蛋黃及少許油爆香後 , 加入蒜蓉 , 薑蓉 , 辣椒粒拌勻炒至鹹蛋黃成半溶 ,  加入蝦仁及2湯匙雞湯拌勻 , 炒至乾身後再加入粟米粒 , 少許鹽及雞湯拌勻炒香

最後加入鹹蛋白拌勻即可

材料
基圍蝦半斤 , 粟米1條 , 鹹蛋2隻 , 雞湯 , 蒜蓉 , 薑蓉 , 辣椒半隻 (切粒)



做法
1. 粟米起粒沖洗乾淨 , 鹹蛋洗淨

2. 基圍蝦去殼去腸 , 背面界一刀 , 用生粉沖洗兩次後 , 用廚紙抹乾水份

3. 燒滾水 , 加入粟米粒灼3分鐘盛起瀝乾水份

4. 再加入鹹蛋用中火煮15分鐘 , 盛起待涼

5. 蝦仁加少許鹽 , 胡椒粉 , 酒拌勻備用

6. 燒紅油鑊 , 將蝦仁沾上薄薄生粉 , 放入油鑊內用中火炸至轉色熟透 , 盛起瀝乾油份 

7. 鑊中加入鹹蛋黃及少許油爆香後

8. 加入蒜蓉 , 薑蓉 , 辣椒粒拌勻炒至鹹蛋黃成半溶

9. 加入蝦仁及2湯匙雞湯拌勻 , 炒至乾身後再加入粟米粒 , 少許鹽及雞湯拌勻炒香  

10. 最後加入鹹蛋白拌勻即可 




甜甜的粟米粒拌飯相當一流 ^^