乾炒牛河

乾炒牛河係茶餐廳必備的炒粉麵之一 , 但唔係每間都炒得好味

大部份餐廳都係少配料多多粉 , 而且牛肉仲硬過我條命

事關乾炒牛河係袁生炒粉麵系列的第二至愛 , 所以每次袁生想食牛河

必然會叫袁太去街市買材料自己炒 ......



袁生對於乾炒牛河 , 亦有好多 ... 好多要求


(一) 牛肉一定要炒得嫩身 , 唔可以過老
(二) 配料韭黃 , 洋蔥唔需要多 , 但銀芽一定要多多
(三) 河粉唔可以炒到咁散 , 食時會好唔方便
(四) 河粉色澤要均勻
(五) 要有餐廳的鑊氣味道


~頂~五樣要求咁多 , 駛唔駛呀 ??? 不過我都會盡量做到完美



其實對我來說炒河總會俾炒米容易 , 因炒米要用好多臂力去拌勻

袁太的少油版乾炒牛河 , 唔駛15分鐘已經完成 , 雖然賣相滿意

但味道方面總要經袁生進行評價



袁生試未後的評價 : 要求(一)至(四)都順利合格 , 但要求(五)就有待改善

話始終欠缺鑊氣的味道喎 , 當然喇 , 袁太的牛河只係家庭版炒出來

事問又點可能同餐廳的大大鑊比 , 鑊氣就唔太有 , 但一肚氣就多多呢 ^^



材料 : 牛柳 , 洋蔥 , 銀芽 , 韭黃 , 河粉 , 蔥 , 薑 , 鹽 , 酒 , 芹菜 (裝飾用可省略)

蔥 , 韮黃洗淨切段 , 牛肉切片 , 銀芽洗淨放入鑊中加水煮滾 , 蓋上蓋出水30秒後隔去水份盛起 , 洋蔥去皮切條 , 薑去皮切絲

牛肉放入大碗內加入醃料拌勻醃15分鐘 , 將河粉逐條遂條撕開弄散

河粉放入鑊中用中火慢慢煎至兩面金黃色(每面約煎3分鐘) 後盛起

燒紅鑊 , 將牛肉落鑊用中火煎至兩面金黃色盛起 , 原鑊爆香洋蔥 , 韮黃及薑絲 , 加入河粉 , 贊少許酒快炒拌勻 , 再加入調味料拌勻至河粉上色 

最後將牛肉回鑊 , 加入銀芽及蔥段用中火快炒拌勻即可

材料
牛柳$15 , 洋蔥1個 , 銀芽$3 , 韭黃1扎 , 河粉1/2斤 , 蔥 , 薑 , 鹽 , 酒 , 芹菜 (裝飾用可省略)

醃料(牛柳)
生抽 , 老抽 , 糖 , 生粉 , 麻油 , 水

調味料
生抽 , 老抽 , 鹽 , 糖



做法
1. 蔥 , 韮黃洗淨切段 , 牛肉切片

2. 銀芽洗淨放入鑊中加水煮滾 , 蓋上蓋出水30秒後隔去水份盛起

3. 洋蔥去皮切條 , 薑去皮切絲

4. 牛肉放入大碗內加入醃料拌勻醃15分鐘 , 將河粉逐條遂條撕開弄散

5. 河粉放入鑊中用中火慢慢煎至兩面金黃色(每面約煎3分鐘) 後盛起 

6. 燒紅鑊 , 將牛肉落鑊用中火煎至兩面金黃色盛起

7. 原鑊爆香洋蔥 , 韮黃及薑絲 , 加入河粉 , 贊少許酒快炒拌勻

8. 再加入調味料拌勻至河粉上色 

9. 最後將牛肉回鑊 , 加入銀芽及蔥段用中火快炒拌勻即可

 


雖然欠了少許鑊氣的味道 , 但袁生依然食得津津有味呢 ^^