白果腐竹雪耳鯽魚湯

白果腐竹 , 糖水 ??? 湯水 ??? , 以前的我總覺得這對組合永遠都只用作糖水用途 , 但某日突然想用來煲湯 ......



起初想用來配豬肚一齊煲 , 但又想用鯽魚煲喎 , 最終豬同魚的決鬥結果係鯽魚勝出 , 因魚湯永遠都係我最愛的首選 , 這碗湯除主角白果腐竹，鯽魚外，仲有好多好多煲湯配料 , 有淮山，茨實，玉竹，無花果，雪耳，粟米，南北杏 , 係咪好多材料呢



袁太屋企附近街市就唔多見有白果肉賣 , 只有以下兩款 , 我當然買右邊個款 , 只用熱水煮一煮再去衣就攪掂 , 絕對方便快捷

 

呢款湯水煲出來的味道非常鮮甜又滋潤，袁太極力推介呀~~~ , 就連平時不愛白果腐竹 , 不愛魚湯的袁生都話好味 , 仲對鯽魚湯有所改觀添 , 另外如果大家喜愛腐竹溶晒的話，記得凍水落 , 因袁太比較喜愛腐竹成半溶狀態 , 所以熱水先落呢 ^^

材料 : 白果 , 鮮腐竹 , 雪耳 , 粟米 , 無花果(預先浸15分鐘至軟身) , 鯽魚 , 玉竹 , 茨實 , 准山 , 南北杏 , 薑 , 鹽 , 胡椒粉

白果放入煲內 , 加水蓋過面用中火慢慢煮15分鐘 , 期間將鯽魚內藏去除 , 將鯽魚用水沖洗乾淨 , 再抹乾水份 , 薑去皮切片 , 浸軟的無花果切半 , 雪耳浸水待軟 , 白果煮15分鐘至滾後去衣 , 鮮腐竹洗淨切細片 , 粟米洗淨切段 , 玉竹 , 准山 , 茨實 , 南北杏用水沖一沖洗及瀝乾

   
 
鑊中先爆香薑片 , 放入鯽魚煎至兩面金黃色 , 加入適量熱水煮滾後蓋上蓋用中火煮20分鐘至湯水成奶白色 , 煮魚湯期間將粟米放入煲內 , 加入茨實 , 玉竹 , 准山 , 南北杏 , 白果及無花果

鯽魚湯煮20分鐘後將鯽魚放入湯煲內 , 再倒入奶白色魚湯 , 用中火煲滾後加入鮮腐竹拌勻 , 蓋上蓋轉慢火煲1 1/2小時 , 期間將浸軟的雪耳撕成細塊 , 用水沖一沖洗及瀝乾

魚湯煲1 1/2小時後將湯內材料盛起放入大碗內 , 用隔篩隔去魚骨 , 再將湯及材料倒回煲內 , 加入雪耳拌勻 , 轉用中火煲15分鐘 , 最後加少許鹽及胡椒粉調味拌勻 , 熄火焗30分鐘即可

材料
白果 , 鮮腐竹 , 雪耳1個 , 粟米1條 , 無花果3粒(預先浸15分鐘至軟身) , 鯽魚1條 , 玉竹 , 茨實 , 准山 , 南北杏 , 薑 , 鹽 , 胡椒粉



做法

1. 白果放入煲內 , 加水蓋過面用中火慢慢煮15分鐘 

2. 期間將鯽魚內藏去除 , 將鯽魚用水沖洗乾淨 , 再抹乾水份 

3. 薑去皮切片 , 浸軟的無花果切半 , 雪耳浸水待軟 

4. 白果煮15分鐘至滾後去衣 , 鮮腐竹洗淨切細片 , 粟米洗淨切段 

5. 玉竹 , 准山 , 茨實 , 南北杏用水沖一沖洗及瀝乾

6. 鑊中先爆香薑片 , 放入鯽魚煎至兩面金黃色 

7. 加入適量熱水煮滾後蓋上蓋用中火煮20分鐘至湯水成奶白色 

8. 煮魚湯期間將粟米放入煲內 , 加入茨實 , 玉竹 , 准山 , 南北杏 , 白果及無花果 

9. 鯽魚湯煮20分鐘後將鯽魚放入湯煲內 , 再倒入奶白色魚湯 

10. 用中火煲滾後加入鮮腐竹拌勻 , 蓋上蓋轉慢火煲1 1/2小時

11. 期間將浸軟的雪耳撕成細塊 , 用水沖一沖洗及瀝乾

12. 魚湯煲1 1/2小時後將湯內材料盛起放入大碗內 , 用隔篩隔去魚骨 

13. 再將湯及材料倒回煲內 , 加入雪耳拌勻 , 轉用中火煲15分鐘 

14. 最後加少許鹽及胡椒粉調味拌勻 , 熄火焗30分鐘即可

 

超足料又鮮甜的鯽魚湯 , 大家有機會真的要試試煲呢 ^^