煎蛋豬扒菠蘿包配炸薯條

每次同袁生去茶餐廳或者連鎖快餐店嘆下午茶的時候 , 有時都會叫下豬扒包或公司三文治 , 總會為配沙律好 , 還是配薯條這個問題而煩惱 ......



其實心想豬扒包在家也可輕鬆做到 , 為何還要出外吃呢 ??? 而且如在家炮製下午茶的話 , 當然會配薯條 , 因沙律一定唔夠時間冷凍 , 唔凍的沙律我就至討厭 , 其實點解我突然想食豬扒包 ??? 原因好簡單 , 某日訓醒的時候 , 行去廚房見到有差不多過期的芥末醬 , 所以就諗起豬扒包 , 因為豬扒要用芥末醬醃呢 , 何況平時我煮野都唔多會用芥末醬 , 再唔用埋佢就真係過期



整呢個豬扒包配炸薯條的下午茶套餐 , 過程製作好簡單 , 先將薯條切條 , 我就比較喜愛粗條多d , 然後蒸下d薯條 , 再放入冰箱冷藏就可以拎去炸 , 而豬扒只係醃一粒鐘就可以入鑊煎 , 不過要豬扒好味就要有技巧 , 煎豬扒的時候先用慢火煎3分鐘 , 再反轉用大火煎30秒 , 再轉慢火煎2分鐘 , 咁塊豬扒就唔會鞋口 , 仲好多肉汁添 , 不過包入面只有豬扒好似單調左少少 , 所以袁太就另外加入煎蛋 , 而且用上菠蘿包 , 變成美味的煎蛋豬扒菠蘿包



而薯條方面 , 當然係即炸即食就最好味 , 食時灑上椒鹽及七味粉 , 熱辣辣脆卜卜 , 雖然好熱氣 , 但我喜歡呢 ^^



材料 : 有骨豬扒 , 薯仔 , 芥末醬 , 五香粉 , 乾蔥頭 , 鹽 , 糖 , 魚露 , 椒鹽 , 七味粉 , 胡椒粉 , 雞蛋 , 菠蘿包 , 牛油紙

薯仔去皮切成粗條 , 乾蔥頭去衣切粒 , 薯條用水沖一沖洗抹乾水份 , 放入電蒸鍋內蓋上蓋蒸10分鐘 , 10分鐘後開蓋靜待10分鐘 , 取出抹乾水份 , 放入冰箱冷藏1小時

當薯條在冰箱冷藏期間 , 再處理豬扒 , 豬扒拍鬆兩面放入器皿內 , 加入乾蔥粒 , 五香粉 , 芥末醬及醃料拌勻靜待1小時

將冷藏的薯條放入油鑊內 , 用中火拌勻慢慢炸至硬身及微黃色 , 盛起靜待20分鐘 , 雞蛋拌勻成蛋液備用 , 菠蘿包橫切半後放入焗爐用150C上火焗5分鐘至脆身 , 蛋液放入鑀中用慢火拌勻煎成半熟蛋塊

有骨豬扒放入鑊中 , 先用慢火煎3分鐘 , 反轉轉用大火煎30分鐘 , 再轉慢火煎多2分鐘 , 菠蘿包焗脆後 , 逐一放上煎蛋及豬扒 , 薯條再放入油鑊內用慢火拌勻 , 慢慢炸第二次成金黃色 , 盛起灑上椒鹽及七味粉即可 

材料
有骨豬扒2塊 , 薯仔2個 , 芥末醬1湯匙 , 五香粉1茶匙 , 乾蔥頭4粒 , 鹽 , 糖 , 魚露 , 椒鹽 , 七味粉 , 胡椒粉 , 雞蛋2隻 , 菠蘿包2個 , 牛油紙

醃料
鹽 , 糖 , 魚露 , 胡椒粉 



做法
1. 薯仔去皮切成粗條 , 乾蔥頭去衣切粒 

2. 薯條用水沖一沖洗抹乾水份 

3. 放入電蒸鍋內蓋上蓋蒸10分鐘 

4. 10分鐘後開蓋靜待10分鐘 , 取出抹乾水份 , 放入冰箱冷藏1小時

5. 當薯條在冰箱冷藏期間 , 再處理豬扒 , 豬扒拍鬆兩面放入器皿內 

6. 加入乾蔥粒 , 五香粉 , 芥末醬及醃料拌勻靜待1小時 

7. 將冷藏的薯條放入油鑊內 , 用中火拌勻慢慢炸至硬身及微黃色 

8. 盛起靜待20分鐘 

9. 雞蛋拌勻成蛋液備用

10. 菠蘿包橫切半後放入焗爐用150C上火焗5分鐘至脆身 

11. 蛋液放入鑀中用慢火拌勻煎成半熟蛋塊 

12. 有骨豬扒放入鑊中 , 先用慢火煎3分鐘 , 反轉轉用大火煎30分鐘 , 再轉慢火煎多2分鐘 

13. 菠蘿包焗脆後 , 逐一放上煎蛋及豬扒 

14. 薯條再放入油鑊內用慢火拌勻 , 慢慢炸第二次成金黃色 , 盛起灑上椒鹽及七味粉即可 

 


不過我覺得豬扒包配薯條其實唔一定當下午茶點 , 當晚餐都可以好飽肚呢 ^^