2018年8月15日 星期三

海南雞飯套餐




我家袁生好鬼喜愛食海南雞 , 曾經出街食過好幾間 , 都冇邊間可留下深刻印象 , 感覺雞肉總是 "鞋烚烚"的 ......



印象中記得前幾年袁太自己整過一次海南雞俾袁生食 , 當時袁生簡直大讚 , 讚雞肉嫩滑 , 雞油飯香香 , 自此之後 , 袁生久唔久就會叫我整海南雞飯俾佢食 , 其實海南雞 , 我知正宗做法係用烚的 , 但我覺得用蒸的方法比較好味 , 好味的話 , 話之佢正唔正宗呢



不過海南雞裡面 , 我會喜愛雞油飯多過隻雞 , 不過街的雞油飯比較濕潤 , 而我同袁生都係比較喜愛食乾身少少的飯 , 所以自己煮就會將個雞油飯煮得乾身少少 , 而且雞油飯想煮得好味 , 當然唔少得雞汁 , 有時想想出面街為何海南雞套餐會配白飯 ??? 



而且整海南雞去左骨頭的雞骨 , 加入雞腳及其他材料 , 仲可以煲多個湯 , 唔好浪費雞骨呀 , 今次好簡單只用粟米 , 甘旬 , 洋蔥 , 西芹等等材料煲成粟米雞湯 , 味道濃濃地又甜甜地 , 配海南雞飯做成套餐都唔錯 , 不過每次整海南雞飯都要用上幾粒鐘時間製作 , 廚房由如打仗一樣 , 加上自製薑蓉醬 , 種種配合好過街的套餐滿足得多 , 好味道呢 ^^



材料 : 雞 , 白米 , 蒜頭 , 乾蔥頭 , 薑 , 酒 , 西芹 , 甘旬 , 洋蔥 , 粟米 , 蜜棗 , 蔥 , 芫茜 , 香葉 , 上湯 , 鹽 , 糖 , 雞粉 




新鮮雞去頭去尾 , 留起雞腳及尾部肥膏 , 刮走雞內的污穢物 , 用水沖洗乾淨 , 抹乾水份後加少許鹽及酒拌勻雞的外內 , 蓋上保鮮紙靜待1小時

















甘旬去皮 , 洋蔥去衣 , 西芹去纖維 , 粟米去外皮及粟米鬚 , 分別將西芹切條 , 甘旬切件 , 洋蔥切片 , 粟米切段 , 薑去皮 , 乾蔥頭去衣分別切粒 , 蒜頭去衣拍扁 , 蔥切粒 , 芫茜莖洗淨切段 , 白米用水沖洗乾淨及瀝乾 , 雞放入電蒸鍋內蓋上蓋蒸30分鐘再焗5分鐘 , 雞好的雞汁留起 , 雞放入煲內加冰水每面浸10分鐘




















蒜頭 , 一半份量薑粒及之前留起的肥膏放入鑊中爆香 , 再加入白米炒至乾身 , 將白米放入飯煲內 , 加入雞汁及上湯拌勻(如唔夠可再加水至平時煮飯的份量) , 再放上芫茜莖及香葉 , 放入飯煲按製煮至熟
















浸好的雞起出雞胸骨 , 連同雞腳放入煲內 , 加水用中火煮滾 , 盛起沖一沖洗油份及瀝乾 , 煲內加入少許油 , 放入甘旬 , 西芹及洋蔥拌勻炒數分鐘 , 再加入粟米 , 雞胸骨 , 雞腳拌勻 , 加入適量熱水及蜜棗拌勻 , 用中火煲滾後 , 蓋上蓋轉慢火煲 1 1/2小時






















1/2小時後將粟米及雞腳盛起 , 湯用隔篩隔去材料 , 再放回煲內加少許鹽調味拌勻轉大火再煲滾 , 熄火焗30分鐘 , 期間將麻油及雞粉拌勻 , 均勻地塗上雞的表面 , 靜待30分鐘 , 將煮好的雞油飯盛起芫茜莖及香葉後拌勻弄散 , 湯焗30分鐘後用大火再煮滾 , 最後將雞切件即可

























材料 
雞1隻 , 白米2杯 , 蒜頭1個 , 乾蔥頭3粒 , 薑 , 酒 , 西芹1/2扎 , 甘旬1條 , 洋蔥1個 , 粟米1條 , 蜜棗3粒 , 蔥 , 芫茜 , 香葉3-4片 , 上湯300ml , 鹽 , 糖 , 雞粉 



做法
1. 新鮮雞去頭去尾 , 留起雞腳及尾部肥膏 , 刮走雞內的污穢物 

2. 用水沖洗乾淨 , 抹乾水份後加少許鹽及酒拌勻雞的外內

3. 蓋上保鮮紙靜待1小時 

4. 甘旬去皮 , 洋蔥去衣 , 西芹去纖維 , 粟米去外皮及粟米鬚 

5. 分別將西芹切條 , 甘旬切件 , 洋蔥切片 , 粟米切段 

6. 薑去皮 , 乾蔥頭去衣分別切粒 , 蒜頭去衣拍扁 , 蔥切粒 , 芫茜莖洗淨切段 

7. 白米用水沖洗乾淨及瀝乾 

8. 雞放入電蒸鍋內蓋上蓋蒸30分鐘再焗5分鐘 , 雞好的雞汁留起 

9. 雞放入煲內加冰水每面浸10分鐘

10. 蒜頭 , 一半份量薑粒及之前留起的肥膏放入鑊中爆香 , 再加入白米炒至乾身

11. 將白米放入飯煲內 

12. 加入雞汁及上湯拌勻(如唔夠可再加水至平時煮飯的份量) , 再放上芫茜莖及香葉 

13. 放入飯煲按製煮至熟

14. 浸好的雞起出雞胸骨 , 連同雞腳放入煲內 , 加水用中火煮滾 

15. 盛起沖一沖洗油份及瀝乾 

16. 煲內加入少許油 , 放入甘旬 , 西芹及洋蔥拌勻炒數分鐘 

17. 再加入粟米 , 雞胸骨 , 雞腳拌勻 , 加入適量熱水及蜜棗拌勻

18. 用中火煲滾後 , 蓋上蓋轉慢火煲 1 1/2小時

19. 1/2小時後將粟米及雞腳盛起 , 湯用隔篩隔去材料 

20. 再放回煲內加少許鹽調味拌勻轉大火再煲滾 , 熄火焗30分鐘

21. 期間將麻油及雞粉拌勻 , 均勻地塗上雞的表面 , 靜待30分鐘 

22. 將煮好的雞油飯盛起芫茜莖及香葉後拌勻弄散 

23. 湯焗30分鐘後用大火再煮滾 , 最後將雞切件即可 




材料多 , 步驟多的海南雞飯餐 , 無論海南雞 , 雞油飯 , 薑蓉醬同雞湯一樣咁正 , 袁生話食完好滿足呢 ^^










21 則留言:

  1. 回覆
    1. 但可惜我冇得食,個套餐幾豐富都冇我份😣

      刪除
  2. 雞油飯,粟米雞湯好足料,個雞又靚,個套餐好大份呀

    回覆刪除
    回覆
    1. 如果咁大份的套餐,出面可以賣幾多錢呢😄

      刪除
  3. 真係好想搬去袁太隔離..HAHAHA
    次次都流晒口水....

    回覆刪除
  4. 而家出面海南雞餐好貴,而且雞得好少,都係袁太整的份量夠多

    回覆刪除
  5. 我要雞油飯兩碗

    回覆刪除
  6. 請問袁太,乾蔥頭放係邊個步驟,謝謝

    回覆刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......