[有味粥系列] 菠菜肉碎魚湯粥

我一向都喜愛飲魚湯 , 最愛飲魚尾湯或鯽魚湯 , 不過紅衫魚湯我都好喜歡 , 之但係我呢邊街市耍買到靚的紅衫魚就要睇彩數 , 唔係經常有靚的紅衫魚賣 , 今次見細條紅衫魚唔錯 , 就買左幾條 ......



最近真係好少 ... 好少煮兩餸一湯的晚餐 , 呢排幾乎晚晚都係有味飯 , 炒飯 , 炒米 , 炆米為主 , 今晚亦唔例外 , 係煮有味粥 , 本來買幾條紅衫魚係想配節瓜煲湯 , 但後來突然又想食粥喎 , 所以就決定用紅衫魚整個有味粥食下 , 先將紅衫魚煲成奶白色湯底 , 再將紅衫魚起肉待用 , 魚湯底另外加上菠菜 , 紅蘿蔔茸及肉碎去煮 , 鮮甜的粥底配上咁多材料同煲 , 想唔好味都難



袁太由細細個的時候 , 食粥都有個習慣 , 無論白粥還是有味粥 , 都喜愛加豬肉鬆拌勻食 , 呢個習慣真係到左袁太而家三十幾歲人都改唔到既呢 ^^

 

材料 : 菠菜 , 紅衫魚 , 豬肉碎 , 珍珠米 , 紅蘿蔔 , 薑 , 豬肉鬆 , 油 , 蔥 , 胡椒粉 , 鹽 , 糖

紅衫魚劏開去掉污物後用水沖洗乾淨 , 抹乾水份加少許鹽及胡椒粉拌勻靜待30分鐘 , 珍珠米用水沖一沖洗再瀝乾 , 放入碗內加少許油拌勻備用

菠菜切去頭 , 加鹽用水浸過面靜待10分鐘 , 用水洗淨後切碎 , 薑連皮切片 , 蔥切粒及幼絲 , 紅蘿蔔去皮蘑成茸

薑片放入鑊中爆香 , 放入紅衫魚煎至兩面金黃色 , 加入熱水蓋上蓋用中火煮20分鐘待成奶白色湯 , 期間將豬肉碎放入大碗內 , 加入醃料拌勻靜待10分鐘

魚湯煲20分鐘成奶白色湯底 , 紅衫魚盛起去骨起肉 , 魚湯隔去渣放入煲內 , 加入珍珠米及豬肉碎拌勻 , 用中火煮滾後蓋上蓋轉慢火煮15分鐘 , 15分鐘後加入菠菜碎拌勻 , 蓋上蓋繼續用慢火煮5分鐘 , 最後加入紅蘿蔔茸及魚肉拌勻 , 轉用中火煮滾 , 熄火焗10分鐘即可

 

材料
菠菜1/2斤 , 紅衫魚 , 豬肉碎$10 , 珍珠米3/4杯 , 紅蘿蔔1/2條 , 薑 , 豬肉鬆 , 油 , 蔥 , 胡椒粉 , 鹽 , 糖

醃料
鹽 , 糖 , 生油 , 胡椒粉



做法
1. 紅衫魚劏開去掉污物後用水沖洗乾淨 , 抹乾水份加少許鹽及胡椒粉拌勻靜待30分鐘 

2. 珍珠米用水沖一沖洗再瀝乾 , 放入碗內加少許油拌勻備用

3. 菠菜切去頭 , 加鹽用水浸過面靜待10分鐘 , 用水洗淨後切碎 

4. 薑連皮切片 , 蔥切粒及幼絲 , 紅蘿蔔去皮蘑成茸

5. 薑片放入鑊中爆香 , 放入紅衫魚煎至兩面金黃色

6. 加入熱水蓋上蓋用中火煮20分鐘待成奶白色湯

7. 期間將豬肉碎放入大碗內 , 加入醃料拌勻靜待10分鐘

8. 魚湯煲20分鐘成奶白色湯底

9. 紅衫魚盛起去骨起肉 

10. 魚湯隔去渣放入煲內 , 加入珍珠米及豬肉碎拌勻 

11. 用中火煮滾後蓋上蓋轉慢火煮15分鐘

12. 15分鐘後加入菠菜碎拌勻 , 蓋上蓋繼續用慢火煮5分鐘 

13. 最後加入紅蘿蔔茸及魚肉拌勻 , 轉用中火煮滾 , 熄火焗10分鐘即可 




紅衫魚湯底的有味粥 , 鹹鹹甜甜 , 仲有每次食粥的好伙伴~豬肉鬆~ , 實在太美味又飽肚呢 ^^