<美的免油健炸寶MF20B食譜> 七味辣炸多春魚

繼續試用美的免油健炸寶煮野 , 大家都知 , 袁生袁太係炸物怪 , 經常會開油鑊炸野 , 自從有左美的免油健炸寶後 , 想炸野絕對冇難度 , 而且唔駛用油炸 , 可以慳番好多油呢 ......



前幾日行急凍店時 , 發現有多春魚賣 , 講開多春魚 , 好似好耐冇食過 , 買左一包回家 , 一包都有11條 , 多春魚最理想的煮法當然係炸或鹽燒喇 , 今次炸多春魚好似之前袁太A貨KFC炸雞咁 , 用辣椒粉炮製 , 因袁生袁太都喜愛食辣 , 沾粉沾蛋液再沾粉 , 麵包糠後 , 放入美的免油健炸寶至金黃色 , 唔需要用油 , 好鬼方便(如果大家冇健炸寶或炸鍋機 , 當然係放入油鑊用慢火慢慢炸至金黃色)




用健炸寶幫手整多春魚只需要約20分鐘就攪掂 , 食時灑上少許七味粉 , 魚身脆卜卜 , 好好味 , 而且唔會油淋淋 , 完美呀 , 呢款多春魚做小食就最啱 , 所以當日就俾袁生配啤酒做宵夜呢 ^^



材料 : 急凍多春魚 , 美的免油健炸寶(MF20B) , 雞蛋 , 麵包糠 , 辣椒粉 , 麵粉 , 泡打粉 , 黑胡椒碎 , 鹽 , 七味粉 , 胡椒粉 

多春魚用水沖洗乾淨 , 抹乾水份放入大碗內 , 加少許鹽及胡椒粉拌勻靜待30分鐘 , 期間將麵粉 , 辣椒粉 , 泡打粉 , 黑胡椒碎拌勻 , 雞蛋打成蛋液

多春魚逐一沾上粉 , 再沾上蛋液 , 再沾上一層粉 , 再沾上麵包糠靜待10分鐘 , 放入美的免油健炸寶內 , 180C20分鐘至兩面金黃色脆身即可

材料
急凍多春魚11條 , 美的免油健炸寶(MF20B) , 雞蛋2隻 , 麵包糠 , 辣椒粉2湯匙 , 麵粉 , 泡打粉1湯匙 , 黑胡椒碎 , 鹽 , 七味粉 , 胡椒粉   



做法
1. 多春魚用水沖洗乾淨 

2. 抹乾水份放入大碗內 , 加少許鹽及胡椒粉拌勻靜待30分鐘 

3. 期間將麵粉 , 辣椒粉 , 泡打粉 , 黑胡椒碎拌勻 

4. 雞蛋打成蛋液

5. 多春魚逐一沾上粉 , 再沾上蛋液 , 再沾上一層粉 , 再沾上麵包糠靜待10分鐘 

6. 放入美的免油健炸寶內

7. 180C20分鐘至兩面金黃色脆身即可 




用美的免油健炸寶 , 一滴油都唔駛落 , 雖然係炸物 , 但感覺健康ddd , 本身已經沾辣椒粉炸 , 食時再灑上七味粉 , 就更加惹味呢 ^^