<美的免油健炸寶MF20B食譜> 鹹水角

大家平時去酒樓嘆一盅兩件 , 通常會點咩點心呢 ??? 蝦餃 ??? 燒賣 ??? 腸粉 ??? 鳳爪 ??? 奶皇包 ??? 還是叉燒包呢 ??? 其實以上全部都係袁太愛吃架 , 不過其中一類 , 袁太每次去酒樓必點既 , 當然係煎炸物喇 , 炸春卷 , 煎腐皮卷我統統都愛 , 還有一樣食物係超喜歡 , 就係 ......

煙煙UN UN 脆脆口的鹹水角 , 兒時跟家人去酒樓的時候 , 多數會同豆沙角 , 炸芋角併埋一碟 ,細個我只會吃豆沙角 , 不過現在反而只會食鹹水角 , 眼見廚房有糯米粉 , 有澄麵 , 冬菇 , 冰箱又有豬肉碎 , 又有蝦米 , 攪到袁太心思思想自家製鹹水角 , 只要去街市買韭菜 , 沙葛就得 

其實整鹹水角唔太難 , 將材料切切切 , 炒一炒 , 先炒好餡料再搓粉糰 , 以往袁太一定開鑊炸至金黃 , 不過今次袁太就用上美的免油健炸寶呢個好幫手 , 唔需要用油 , 大約15分鐘左右就一個個金金黃黃的鹹水角就完成喇 , 袁生當然係第一個試味的人 , 袁生評語好滿意 , 外面脆卜卜 , 內裡煙UN , 餡料都夠多 , 袁太今次整左8個 , 袁生好快速地已經食左3個落肚 , 在家自製炸物 , 當然係熱辣辣最好味 , 食完煎炸物 , 飲番杯茶消消滯 , 當然係袁太最愛飲的鐡觀音茶 , 茶包係奶奶之前俾既呢 ^^

材料 : 豬肉碎 , 冬菇(預先浸軟) , 蝦米(預先浸10分鐘至軟) , 沙葛 , 韭菜 , 雞粉 , 乾蔥頭 , 油 , 糯米粉 , 澄麵 , 胡椒粉 , 鹽 , 刮刀 , 麵棍 , 美的免油健炸寶(MF20B)

豬肉碎放入大碗內 , 加入雞粉及醃料拌勻靜待30分鐘 , 期間將冬菇切粒 , 蝦米切粒 , 冬菇水留起 , 乾蔥頭去衣切粒 , 沙葛去皮切粒 , 韭菜洗淨切粒

鑊中加入乾蔥粒爆香 , 加入冬菇粒 , 蝦米粒拌勻用中火炒數分鐘至有香味 , 逐一加入沙葛粒 , 韭菜粒 , 豬肉碎及約2湯匙冬菇水拌勻 , 繼續用中火炒至豬肉轉色熟透 , 冬菇水收乾即成餡料 , 盛起備用

 

澄麵加入40ml熱水拌勻成糰備用 , 另一邊將糯米粉放入大碗內 , 加入糖 , 油及55ml水拌勻 , 放入之前的澄麵糰 , 搓勻成粉糰 , 將粉糰分成數份 , 每份搓圓再用麵棍壓扁 , 加入適量餡料 , 黏緊封口 , 放入美的免油健炸寶內 , 用180C15分鐘至每面金黃色即可

材料

豬肉碎$10 , 冬菇3隻(預先浸軟) , 蝦米(預先浸10分鐘至軟) , 沙葛1個 , 韭菜$3 , 雞粉 , 乾蔥頭2粒 , 油 , 糯米粉90g , 澄麵40g , 胡椒粉 , 鹽 , 刮刀 , 麵棍 , 美的免油健炸寶(MF20B)

醃料
雞粉 , 鹽 , 糖 , 胡椒粉 , 麻油

做法
1. 豬肉碎放入大碗內 , 加入雞粉及醃料拌勻靜待30分鐘 

2. 期間將冬菇切粒 , 蝦米切粒 , 冬菇水留起 , 乾蔥頭去衣切粒 , 沙葛去皮切粒 

3. 韭菜洗淨切粒

4. 鑊中加入乾蔥粒爆香 , 加入冬菇粒 , 蝦米粒拌勻用中火炒數分鐘至有香味 

5. 逐一加入沙葛粒 , 韭菜粒 , 豬肉碎及約2湯匙冬菇水拌勻 

6. 繼續用中火炒至豬肉轉色熟透 , 冬菇水收乾即成餡料 

7. 盛起備用

8. 澄麵加入40ml熱水拌勻成糰備用 

9. 另一邊將糯米粉放入大碗內 , 加入糖 , 油及55ml水拌勻 

10. 放入之前的澄麵糰 , 搓勻成粉糰 

11. 將粉糰分成數份 , 每份搓圓再用麵棍壓扁 , 加入適量餡料 , 黏緊封口 

12. 放入美的免油健炸寶內 , 用180C15分鐘至每面金黃色即可
 

自家製鹹水角當然要塞多多餡料 , 用美的免油健炸寶代替油炸方式 , 唔駛用咁多油之餘 , 感覺冇咁油膩 , 不過食完都要飲番杯茶消消滯呢 ^^