<美的早餐機MZ-DSY18A食譜> 蒜香魚露豬扒配菠菜肉鬆飯糰

平時袁太一向冇食早餐的習慣 , 就算食都係求求其其落街買個包算數 , 唔會特登就去買材料煮早餐 , 直至有佢的出現 ......



袁太講既佢 , 又係美的既新玩具 , 美的早餐機(MZ-DSY18A) , 上次收到就忍唔住立刻打開 , 嘩 ... 有好多配件呀 ~~~ , 有個爐仔 , 煲仔 , 煎pan等等 ... 好齊全

雖然袁太唔多食早餐 , 但大家唔好忘記 , 我屋企仲有件麻煩友 , 佢久唔久就會要求袁太煮早餐俾佢食 , 例牌會叫袁太煮飯 , 以前試過整煎魚白飯配蜆湯做早餐 , 今次就簡單少少 , 整豬扒飯糰做早點 , 其實豬扒永遠係冰箱的常客 , 久唔久就會買定幾塊做存貨 , 大家都知 , 煎豬扒好鬼簡單 , 醃佢幾粒鐘用油乾煎就得 , 其實話分享煎豬扒 , 應該話係想分享飯糰就真 , 本身菠菜只想簡簡單單用來炒 , 點知袁生又話炒菠菜好似唔係咁好 , 所以袁太就轉一轉 , 轉整飯糰配豬扒做早餐 , 呢個飯糰的餡料除左菠菜外 , 仲加入豬肉鬆 , 而且搓好飯糰後再灑少少麵包糠 , 放入美的早餐機的煎pan煎至每面微黃 , 令飯糰變得脆口 , 更加美味 , 今次除左菠菜飯糰 , 另外仲包左走菠菜版本 , 即係只有簡單的豬肉鬆飯糰 , 都一樣美味



當袁生訓醒見本身炒菠菜變成菠菜飯糰後覺得好有驚喜 , 仲話個飯糰好靚 , 配上煎豬扒好夾 , 仲話呢份早餐無論味道同賣相都值滿分呢 ^^



材料 : 梅頭豬扒肉 , 白飯 , 菠菜 , 豬肉鬆 , 蒜頭 , 乾蔥頭 , 鹽 , 糖 , 黑白芝麻 , 麵包糠 , 魚露 , 胡椒粉 , 油 , 美的早餐機(MZ-DSY18A)

梅頭豬扒肉用水沖洗乾淨 , 抹乾水份 , 蒜頭 , 乾蔥頭分別去衣後切粒 , 豬扒肉用刀背拍鬆兩面後切細件 , 放入大碗內加入蒜粒 , 乾蔥粒及醃料拌勻靜待1小時

菠菜去頭切段  , 加少許鹽及加水浸過面靜待10分鐘後用水沖洗乾淨 , 放入美的早餐機的煲仔內 , 加少許鹽及水 , 按<蒸/煮>功能 , 時間煮5分鐘至菠菜軟身 , 盛起稍為放涼後切碎 , 再用手渣乾水份

將一半份量的白飯放入大碗內 , 加少許生抽及糖調味拌勻 , 加入黑白芝麻及菠菜再拌勻 , 放上一張保鮮紙 , 將適量菠菜白飯放上 , 再放上少許豬肉鬆 , 再放上菠菜白飯 , 用保鮮紙輔助搓成球型 , 餘下一半份量的白飯同樣放入大碗內 , 加少許生抽及糖調味拌勻 , 加入黑白芝麻及豬肉鬆再拌勻 , 枱放上一張保鮮紙 , 將適量肉鬆白飯放上 , 利用保鮮紙輔助搓成球型

飯糰掃上油 , 灑上麵包糠 , 豬扒肉加入生粉拌勻靜待10分鐘 , 將飯糰放入美的早餐機的煎pan上 , 按<煎餅>功能煎至兩面金黃 , 再放入豬扒肉 , 按<煎蛋 / 煙肉>功能 , 火力調至最大680煎至兩面金黃色即可

材料 
梅頭豬扒肉3塊 , 白飯3碗 , 菠菜1/2斤 , 豬肉鬆 , 蒜頭1/2個 , 乾蔥頭1粒 , 鹽 , 糖 , 黑白芝麻 , 麵包糠 , 魚露 , 胡椒粉 , 油 , 美的早餐機(MZ-DSY18A)

醃料 
魚露1湯匙 , 生抽1湯匙 , 老抽1湯匙 , 糖2茶匙 , 麻油 , 胡椒粉



做法
1. 梅頭豬扒肉用水沖洗乾淨 , 抹乾水份

2. 蒜頭 , 乾蔥頭分別去衣後切粒 

3. 豬扒肉用刀背拍鬆兩面後切細件 

4. 放入大碗內加入蒜粒 , 乾蔥粒及醃料拌勻靜待1小時

5. 菠菜去頭切段  , 加少許鹽及加水浸過面靜待10分鐘後用水沖洗乾淨 

6. 放入美的早餐機的煲仔內 , 加少許鹽及水

7. 按<蒸/煮>功能 , 時間煮5分鐘至菠菜軟身

8. 盛起稍為放涼後切碎 , 再用手渣乾水份 

9. 將一半份量的白飯放入大碗內 , 加少許生抽及糖調味拌勻 

10. 加入黑白芝麻及菠菜再拌勻

11. 放上一張保鮮紙 , 將適量菠菜白飯放上 , 再放上少許豬肉鬆 , 再放上菠菜白飯 

12. 用保鮮紙輔助搓成球型

13. 餘下一半份量的白飯同樣放入大碗內 , 加少許生抽及糖調味拌勻 

14. 加入黑白芝麻及豬肉鬆再拌勻

15. 枱放上一張保鮮紙 , 將適量肉鬆白飯放上 , 利用保鮮紙輔助搓成球型 

16. 飯糰掃上油 , 灑上麵包糠

17. 豬扒肉加入生粉拌勻靜待10分鐘 

18. 將飯糰放入美的早餐機的煎pan上 , 按<煎餅>功能煎至兩面金黃

19. 再放入豬扒肉 , 按<煎蛋 / 煙肉>功能 , 火力調至最大680煎至兩面金黃色即可 




香香濃濃的煎豬扒配上脆口的菠菜飯糰 , 真會令人食不停口 , 連袁太唔食早餐的人都食左兩個飯糰同幾件豬扒呢 ^^