黑椒蜜汁豬肉乾

上次為左預防超強颱風~山竹~的來臨 , 袁太預早買定食物儲糧 , 只不過風只係打左約一日半的時間 , 剩下的豬肉碎要如何處置 ??? 因如果又放入冰箱 , 又唔知幾時先再發現有包豬肉的存在 , 所以又要想想辦法如何清走佢 ......



今次的豬肉碎食譜係袁氏夫婦都愛吃 , 就係豬肉乾喇 , 有時同袁生行街街 , 經過某個比較出名賣豬肉乾的店舖 , 個種香味經常令我流晒口水 , 不過當我一望個價錢 , 唔得 , 實在太貴喇 , 貴得黎份量又唔係多個隻 , 如期在街買 , 咁倒不如自己動手做 , 自家製豬肉乾其實唔難 , 只係需要多多耐性



自己製豬肉乾的材料非常簡單 , 有多多豬肉碎就可以 , 去街市買左半肥瘦的碎豬肉 , 回家放入大碗內加入醃料醃下d豬肉碎 , 不過要醃一晚先夠味架 , 因袁太N年前整過一次 , 豬肉碎只係醃左幾粒鐘 , 焗完出黎完全冇味 , 所以醃的時間真係好重要 , 今次就整黑椒蜜糖味 , 辣辣地又甜甜地 , I LIKE , 當醃完一晚 , 就要分開幾份去焗 , 每次一份約200g份量 , 可以焗到五大塊 , 將肉碎壓到最薄最薄先好放入焗爐 , 焗的期間一定要企定定係焗爐面前睇住 , 一唔留神就可能會燶晒 , 咁就浪費晒 , 其實袁太都有一塊係焗燶左架 , 好彩最後個四塊都成功 , 成功的豬肉乾真係整得好苦 , 所以要慢慢食 , 慢慢咀嚼個味道呢 ^^

 

材料 : 豬肉碎 , 五香粉 , 白砂糖 , 蜜糖 , 酒 , 胡椒粉 , 魚露 , 焗爐紙 , 麵棍 , 黑胡椒碎 , 掃 , 辣椒粉 , 白芝麻

 
豬肉碎放入大碗內 , 加入五香粉及醃料拌勻先靜待10分鐘 , 再加入辣椒粉 , 白砂糖 , 蜜糖 , 黑胡椒碎拌勻靜待1小時 , 醃左1小時的豬肉碎蓋上保鮮紙放入雪櫃下層靜待一晚

翌日將豬肉碎從雪櫃取出靜待10分鐘 , 焗爐用180C預熱10分鐘 , 將200g的豬肉碎放焗爐紙上 , 再放上一張保鮮紙 , 用麵棍壓至薄身 , 除去保鮮紙後連焗爐紙一同放入焗盆內 , 放入焗爐用180C上下火先焗15分鐘 , 15分鐘後取出倒去肉汁

反轉肉片再放入焗爐繼續用180C上下火焗15分鐘 , 取出掃上蜜糖 , 入焗爐將溫度調低至150C , 繼續用上下火焗5分鐘 , 5分鐘後取出反轉再掃上蜜糖 , 放入焗爐再焗多5分鐘 , 取出灑上白芝麻靜待10分鐘待涼

餘下的豬肉碎同樣將200g的豬肉碎放焗爐紙上 , 再放上一張保鮮紙 , 用麵棍壓至薄身 , 除去保鮮紙後連焗爐紙一同放入焗盆內 , 放入焗爐用180C上下火先焗15分鐘 , 15分鐘後取出倒去肉汁 , 反轉肉片再放入焗爐繼續用180C上下火焗15分鐘 , 取出掃上蜜糖 , 入焗爐將溫度調低至150C , 繼續用上下火焗5分鐘 , 5分鐘後取出反轉再掃上蜜糖 , 放入焗爐再焗多5分鐘 , 取出灑上白芝麻 , 直至全部豬肉碎整成豬肉乾為止 , 再修邊切成一塊塊即可

材料
豬肉碎$20 , 五香粉1湯匙 , 白砂糖30g , 蜜糖 , 酒 , 胡椒粉 , 魚露 , 焗爐紙 , 麵棍 , 黑胡椒碎 , 掃 , 辣椒粉 , 白芝麻

醃料
酒 , 胡椒粉 , 魚露1.5湯匙 , 生抽 , 老抽



做法
1. 豬肉碎放入大碗內 , 加入五香粉及醃料拌勻先靜待10分鐘 

2. 再加入辣椒粉 , 白砂糖 , 蜜糖 , 黑胡椒碎拌勻靜待1小時 

3. 醃左1小時的豬肉碎蓋上保鮮紙放入雪櫃下層靜待一晚

4. 翌日將豬肉碎從雪櫃取出靜待10分鐘 

5. 焗爐用180C預熱10分鐘 

6. 將200g的豬肉碎放焗爐紙上 , 再放上一張保鮮紙 , 用麵棍壓至薄身 

 

7. 除去保鮮紙後連焗爐紙一同放入焗盆內 , 放入焗爐用180C上下火先焗15分鐘 

8. 15分鐘後取出倒去肉汁

9. 反轉肉片再放入焗爐繼續用180C上下火焗15分鐘 

10. 取出掃上蜜糖 , 入焗爐將溫度調低至150C , 繼續用上下火焗5分鐘 

11. 5分鐘後取出反轉再掃上蜜糖 , 放入焗爐再焗多5分鐘 

12. 取出灑上白芝麻靜待10分鐘待涼

13. 餘下的豬肉碎同樣將200g的豬肉碎放焗爐紙上 , 再放上一張保鮮紙 

14. 用麵棍壓至薄身 , 除去保鮮紙後連焗爐紙一同放入焗盆內 

15. 放入焗爐用180C上下火先焗15分鐘 

16. 15分鐘後取出倒去肉汁 , 反轉肉片再放入焗爐繼續用180C上下火焗15分鐘 

17. 取出掃上蜜糖 , 入焗爐將溫度調低至150C , 繼續用上下火焗5分鐘

18. 5分鐘後取出反轉再掃上蜜糖 , 放入焗爐再焗多5分鐘 , 取出灑上白芝麻 

19. 直至全部豬肉碎整成豬肉乾為止 , 再修邊切成一塊塊即可

 

掃上蜜煻令豬肉乾變得甜甜 , 好味的程度令我食完一條再一條呢 ^^