2018年10月15日 星期一

<美的早餐機MZ-DSY18A食譜> 芫茜魚肉煎蛋卷




又到早餐機系列時間 , 袁太某日突然好想 ... 好想食蛋卷配麵做早點 , 雖然蛋卷可以用好多唔同的食材做餡料 , 但我最愛的蛋卷餡料首選一定係魚肉 , 印象中入廚咁多年只係整過一次蛋卷咁大把 , 最愛蛋卷做法簡單 , 材料簡單 , 卷好蛋卷蒸熟就咁食又得 , 或者好似袁太咁煎香食又得 , 賣相又靚靚 , 都出得大出面架 ......



呢款蛋卷的材料只需要雞蛋 , 鯪魚肉及芫茜 , 雖然整蛋卷又要煎蛋皮 , 又要卷 , 又要蒸 , 又要煎 , 睇落好似好似好多功夫咁 , 但其實一D都唔複雜 , 一D都唔難製作 , 我明知知袁生唔喜愛芫茜 , 但感覺鯪魚肉入面加入少許芫茜 , 一定會香口好多 , 所以唔會理袁生喜唔喜愛 , 會唔會食的理由 , 一於加埋芫茜 , 因為我鐘意 



先用美的早餐機的煎pan煎兩塊薄薄的蛋皮 , 再將已調味的鯪魚肉放在蛋皮上 , 卷起 , 放入美的早餐機的煲內蒸15分鐘 , 再用煎pan煎至兩面金黃色 , 件件都靚靚仔仔 , 呢款蛋卷絕對經濟又實惠 , 而且味道仲好好呢 ^^



材料 : 鯪魚肉 , 芫茜 , 雞蛋 , 胡椒粉 , 鹽 , 美的早餐機(MZ-DSY18A)





鯪魚肉放入大碗 , 加少許鹽 , 胡椒粉及麻油調味拌勻 , 先靜待30分鐘 , 期間將芫茜用水洗淨後切碎 , 加入鯪魚肉的大碗內拌勻備用 , 雞蛋拌勻成蛋液


















將適量蛋液放入美的早餐機的煎pan內 , 按<煎蛋 / 煙肉>功能 , 時間調至1分鐘 , 即每面煎約30分秒成微黃色











將一塊蛋皮放室保鮮紙上 , 放上適量鯪魚肉 , 用刀將魚肉抹平 , 連同保鮮紙一同卷起 , 另一塊蛋皮同樣做法 , 美的早餐機的煲仔加入約2杯水 , 放上蒸架 , 再放上魚肉卷 , 蓋上蓋 , 按<蒸 / 煮>功能蒸15分鐘 , 盛起待涼10分鐘


















蛋卷除去保鮮紙切成一件件 , 放入美的早餐機的煎pan內 , 按<煎蛋 / 煙肉>功能 , 時間調至4分鐘 , 即每面煎2分鐘成金黃色即可










 
材料
鯪魚肉$10 , 芫茜1/2扎 , 雞蛋3隻 , 胡椒粉 , 鹽 , 美的早餐機(MZ-DSY18A)



做法
1. 鯪魚肉放入大碗 , 加少許鹽 , 胡椒粉及麻油調味拌勻 , 先靜待30分鐘

2. 期間將芫茜用水洗淨後切碎 

3. 加入鯪魚肉的大碗內拌勻備用 , 雞蛋拌勻成蛋液

4. 將適量蛋液放入美的早餐機的煎pan內 , 按<煎蛋 / 煙肉>功能 

5. 時間調至1分鐘 , 即每面煎約30分秒成微黃色

6. 將一塊蛋皮放室保鮮紙上 , 放上適量鯪魚肉 , 用刀將魚肉抹平

7. 連同保鮮紙一同卷起

8. 另一塊蛋皮同樣做法 

9. 美的早餐機的煲仔加入約2杯水 , 放上蒸架 , 再放上魚肉卷 , 蓋上蓋

10. 按<蒸 / 煮>功能蒸15分鐘

11. 盛起待涼10分鐘

12. 蛋卷除去保鮮紙切成一件件 , 放入美的早餐機的煎pan內 , 按<煎蛋 / 煙肉>功能

13. 時間調至4分鐘 , 即每面煎2分鐘成金黃色即可 




魚肉蛋卷煎到金金黃黃 , 變得有少許脆口 , 而內裡魚肉滑滑 , 美味呢 ^^






20 則留言:

  1. 隻隻都煎得好靚仔又好香口, 呢個朝早一定好醒神啦~

    回覆刪除
  2. 話時話,架機又好似幾方便

    回覆刪除
  3. 好奢侈的早餐。應該加碗飯,少少豉油做午餐。

    回覆刪除
  4. 好靚呀,如果我早餐有呢d食,我個日一定好醒神

    回覆刪除
  5. 我一樣唔愛芫茜,但愛蛋卷

    回覆刪除
  6. 早餐食蛋卷好豐富

    回覆刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......