泰式椰汁西米糕

大家喜愛泰式甜點嗎 ??? 袁太平時就好少接觸泰式食物 , 不過家中件麻煩友就超喜愛 , 例如之前上傳過的泰式冬蔭功湯 , 或者泰式的炒金邊粉 , 泰式豬頸肉 , 或珍多冰等等 ... 都係袁生的至愛 , 其中一樣至愛 , 袁生N年前已經叫袁太整 , 不過現在先第一次嘗試製作 ......



呢款甜點就係泰式椰汁西米糕 , 其實整椰汁西米糕就絕對冇難度 , 對袁太來說 , 最難係底部的斑蘭盒子 , 袁太平時煮野就叻 , 但摺摺摺呢d類似手工藝的野 , 袁太絕對係白痴一名 , 所以就要拜託袁生幫一幫忙處理 , 袁生只係上網睇左幾分鐘片就曉整 , 好快已經幫袁太處理好晒 , 抵錫 , 整好斑蘭盒子就要開始製作西米 , 先整西米 , 再整椰汁部份 , 再入雪櫃幾粒鐘就食得 , 經試味後袁生好滿意 , 味道夠甜 , 椰汁夠滑 , 又俾左100分滿分



之後袁太有向袁生請教整個斑蘭盒子 , 係袁生金句 ~妳真係蠢個隻豬~的壓力及無助下 , 袁太終於曉自己整斑蘭盒子喇 , 下次再整就唔駛靠袁生幫忙呢 ^^



材料 : 西米 , 砂糖 , 椰漿 , 生粉 , 粟米粒 , 斑蘭葉 , 清水 , 熱水 , 鹽 , 間尺 , 膠紙 , 剪刀 , 美的早餐機(MZ-DSY18A)

斑蘭葉長的一邊每1.5寸剪一刀(共剪四刀 , 最好用間尺量度 , 因長度不平均會好難摺) , 逐段逐段向內摺 , 疊好後剪掉多餘的葉 , 底部及側面用膠紙封口備用

西米放入煲內 , 加水浸過面 , 拌一拌勻西米以免黏底 , 用慢火煮至西米成透明狀 , 倒入隔篩內用水沖洗數分鐘 , 加入冰水浸過面靜待10分鐘後瀝乾水份 , 將西米放入美的早餐機的煎pan內 , 加入2湯匙砂糖及粟米粒 , 按<蒸 / 煮>功能 , 一路拌勻一路煮至糖溶 , 放入斑蘭盒子至半滿

砂糖放入碗內 , 加少許鹽及250ml熱水拌勻 , 生粉放入碗內 , 加入250ml水拌勻 , 椰漿放入煲內 , 加入砂糖水拌勻 , 用慢火煮至微滾 , 生粉水分兩次加入椰漿水內 , 用慢火慢慢拌勻煮至滾及少連杰身 , 放入斑蘭盒子內至全滿 , 放上粟米粒裝飾 , 待涼後入雪櫃1~2小時即可

材料
西米100g , 砂糖40g + 2湯匙 , 椰漿250ml , 生粉40g , 粟米粒 , 斑蘭葉8塊 , 清水250ml , 熱水250ml , 鹽 , 間尺 , 膠紙 , 剪刀 , 美的早餐機(MZ-DSY18A)



做法
1. 斑蘭葉長的一邊每1.5寸剪一刀(共剪四刀 , 最好用間尺量度 , 因長度不平均會好難摺) 

2. 逐段逐段向內摺 , 疊好後剪掉多餘的葉 , 底部及側面用膠紙封口備用

3. 西米放入煲內 , 加水浸過面 , 拌一拌勻西米以免黏底 

4. 用慢火煮至西米成透明狀 , 倒入隔篩內用水沖洗數分鐘 

5. 加入冰水浸過面靜待10分鐘後瀝乾水份 

6. 將西米放入美的早餐機的煎pan內 , 加入2湯匙砂糖及粟米粒 

7. 按<蒸 / 煮>功能 , 一路拌勻一路煮至糖溶 , 放入斑蘭盒子至半滿

8. 砂糖放入碗內 , 加少許鹽及250ml熱水拌勻 

9. 生粉放入碗內 , 加入250ml水拌勻 

10. 椰漿放入煲內 , 加入砂糖水拌勻 , 用慢火煮至微滾 

11. 生粉水分兩次加入椰漿水內 , 用慢火慢慢拌勻煮至滾及少連杰身 

12. 放入斑蘭盒子內至全滿 , 放上粟米粒裝飾 , 待涼後入雪櫃1~2小時即可 




賣相及味道都值滿分的泰式椰汁西米糕 , 下次一定要再encore先得呢 ^^