上湯鮮竹卷

前排某日袁生好早起床 , 落街買點心早餐回家 , 袁太同袁生一齊差不多20年的時間 , 佢自動自覺去買早餐的次數可以話5次都冇 , 佢突然咁好死 , 一定有野想買 , 想袁太潑款俾佢 , 一定係呢 ......



隔左幾日之後 , 袁生終於露出尾巴了 , 原來佢想要求買部新平板電腦for晝圖 , 真係傻豬黎既 , 晝圖係用來賺錢 , 我當然唔會say no , 一定會潑款俾佢買 , 而袁生另一樣的要求係想袁太整鮮竹卷俾佢食 , 唉 ... 要求袁太煮野食 , 我更加唔會say no , 拿拿臨去街市買材料 , 如果整春卷我就比較喜愛用素材料 , 但如果整鮮竹卷我反而比較喜愛用豬肉餡 , 今次的鮮竹卷除左用豬肉做餡料外 , 還加上蝦肉 , 甘旬及西芹做材料 , 爽口又彈牙



將餡料放入腐皮上包好 , 包好再用油煎一煎至微黃色 , 再加入上湯蒸10分鐘就食得 , 一塊腐皮可以整到8條鮮竹卷 , 絕對價錢便宜 , 相等於酒樓差不多三碟的份量呢 ^^



材料 : 基圍蝦 , 豬肉碎 , 西芹 , 甘旬(細) , 上湯 , 糖 , 鹽 , 胡椒粉 , 腐皮 , 蔥 , 美的早餐機(MZ-DSY18A)

基圍蝦去頭去殼 , 西芹去纖維 , 甘旬去皮 , 分別將西芹切條 , 甘旬切條 , 蝦肉切粒 , 西芹及甘旬條放入美的早餐機的煲內加少許鹽 , 油及水 , 按<蒸 / 煮>功能蓋上蓋煮10分鐘至軟身 , 蔥切粒及切幼絲 , 期間將豬肉碎放入大碗內 , 加入醃料拌勻先靜待15分鐘 , 西芹及甘旬煮至軟身後盛起瀝乾水份

豬肉醃15分鐘後逐一加入西芹 , 甘旬及蝦粒拌勻靜待1小時 , 腐皮對摺剪成八塊 , 包餡料前將腐皮用濕布抹一抹 , 將適量餡料放在腐皮下方 , 卷起 , 先摺起左邊位置卷起 , 再摺起右邊位置卷起 , 最後用水封口靜待10分鐘 

腐皮卷放入美的早餐機的煎pan內 , 按<煎餅>功能煎至兩面微黃色 , 盛起放入碗或碟內 , 淋上上湯 , 美的早餐機的煲仔加入約2杯水 , 放上蒸架 , 再放上鮮竹卷 , 蓋上蓋按<蒸 / 煮>功能 , 時間調至10分鐘至熟透 , 食時可放上蔥粒及蔥絲即可

材料
基圍蝦1/2斤 , 豬肉碎$15 , 西芹1/2邊 , 甘旬(細)2條 , 上湯300ml , 糖 , 鹽 , 胡椒粉 , 腐皮1塊 , 蔥 , 美的早餐機(MZ-DSY18A)

醃料
鹽 , 雞粉 , 生粉 , 麻油 , 糖 , 胡椒粉



做法
1. 基圍蝦去頭去殼 , 西芹去纖維 , 甘旬去皮 

2. 分別將西芹切條 , 甘旬切條 , 蝦肉切粒 

3. 西芹及甘旬條放入美的早餐機的煲內加少許鹽 , 油及水 

4. 按<蒸 / 煮>功能蓋上蓋煮10分鐘至軟身 

5. 蔥切粒及切幼絲

6. 期間將豬肉碎放入大碗內 , 加入醃料拌勻先靜待15分鐘 

7. 西芹及甘旬煮至軟身後盛起瀝乾水份

8. 豬肉醃15分鐘後逐一加入西芹 , 甘旬及蝦粒拌勻靜待1小時 

9. 腐皮對摺剪成八塊 , 包餡料前將腐皮用濕布抹一抹

10. 將適量餡料放在腐皮下方 , 卷起 , 先摺起左邊位置卷起 , 再摺起右邊位置卷起 

11. 最後用水封口靜待10分鐘  

12. 腐皮卷放入美的早餐機的煎pan內 , 按<煎餅>功能煎至兩面微黃色 

13. 盛起放入碗或碟內 , 淋上上湯 

14. 美的早餐機的煲仔加入約2杯水 , 放上蒸架 , 再放上鮮竹卷 

15. 蓋上蓋按<蒸 / 煮>功能 , 時間調至10分鐘至熟透 , 食時可放上蔥粒及蔥絲即可 




自家製鮮竹卷成本絕對唔高 , 仲有成8條咁多 , 可以食到夠 , 食到飽呢 ^^