2018年11月8日 星期四

臘腸排骨煲仔飯




平時袁太好少會食午餐 , 通常都係食早餐 , 下午茶或晚餐多 , 不過有時都想食午餐 , 應該話想食煲仔飯 , 最近天氣開始秋涼 , 食煲仔飯可以暖暖身 , 都係一個唔錯的選擇 , 煲仔飯首選我一定係臘味飯 , 不過買唔到靚臘肉 , 只買到短短的臘腸 ......



咁就一於整臘腸配排骨做成煲仔飯 , 其實加埋鳳爪會更加美味 , 鳳爪屬於雞雞 , 袁太當然唔食得喇 , 如果大家冇煲仔 , 可以放晒材料入電飯煲煮至跳製都得 , 咁袁太話明係煲仔飯 , 當然用煲仔煮 , 步驟先將排骨醃好 , 白米用薑粒入鑊炒至乾身 , 放入煲內 , 加臘腸加水 , 用明火煮至水份半收乾 , 先再加埋排骨粒再煮 , 煮至排骨轉色熟透 , 米又收乾水兼熟透就完成 , 食時淋上甜豉油就更加美味 , 呢個午餐食得好滿足 , 因有袁太至愛的臘腸呢 ^^



材料 : 排骨粒 , 短臘腸 , 白米 , 豆豉 , 蒜頭 , 薑 , 鹽 , 糖 , 生粉 , 胡椒粉 , 蔥粒 , 蔥絲 , 辣椒 , 油




排骨粒用水沖洗乾淨 , 抹乾水份放入大碗內 , 加入生抽 , 糖 , 胡椒粉拌勻先靜待30分鐘 , 期間將豆豉剁碎 , 辣椒去籽切片 , 蒜頭去衣切細粒 , 薑去皮切細粒













30分鐘後加入豆豉 , 蒜粒 , 生粉拌勻靜待1小時 , 期間將白米用水沖一沖洗及瀝乾 , 放入煲內加少許鹽及油拌勻靜待30分鐘















鑊中放入薑粒爆香 , 加入白米拌勻數分鐘至乾身 , 盛起放入煲仔內 , 加1杯水份量 , 放入臘腸(臘腸要預先用熱水沖一沖) , 用中火慢慢煮至水份半收乾(大約15分鐘) , 加入排骨粒 , 蓋上蓋煮至排骨熟透 , 水份完全收乾及米熟透(大約10分鐘) , 最後淋上甜豉油 , 灑上辣椒 , 蔥粒及蔥絲即可























材料 
排骨粒$30 , 短臘腸4條 , 白米3杯 , 豆豉 , 蒜頭1/2個 , 薑 , 鹽 , 糖 , 生粉 , 胡椒粉 , 蔥粒 , 蔥絲 , 辣椒1條 , 油



做法
1. 排骨粒用水沖洗乾淨 

2. 抹乾水份放入大碗內 , 加入生抽 , 糖 , 胡椒粉拌勻先靜待30分鐘 

3. 期間將豆豉剁碎 , 辣椒去籽切片 , 蒜頭去衣切細粒 , 薑去皮切細粒 

4. 30分鐘後加入豆豉 , 蒜粒 , 生粉拌勻靜待1小時 

5. 期間將白米用水沖一沖洗及瀝乾 , 放入煲內加少許鹽及油拌勻靜待30分鐘 

6. 鑊中放入薑粒爆香 , 加入白米拌勻數分鐘至乾身 

7. 盛起放入煲仔內 , 加1杯水份量 , 放入臘腸(臘腸要預先用熱水沖一沖) 

8. 用中火慢慢煮至水份半收乾(大約15分鐘) 

9. 加入排骨粒 , 蓋上蓋煮至排骨熟透 , 水份完全收乾及米熟透(大約10分鐘) 

10. 最後淋上甜豉油 , 灑上辣椒 , 蔥粒及蔥絲即可 




熱辣辣原煲上的臘腸排骨煲仔飯 , 絕對yummy yummy呢 ^^






19 則留言:

  1. 肥人近排都有試煲仔飯呀, 排骨併臘腸真係無敵架!

    回覆刪除
  2. 最近天氣好啱食煲仔飯

    回覆刪除
  3. 熱辣辣原煲上正

    回覆刪除
  4. If you’re looking for someone to work with to improve your skills, try working with the writers from this service. http://dp0vn1qk06.dip.jp http://l4bv6vtdrg.dip.jp http://o18cjy1wct.dip.jp

    回覆刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......