<美的陶瓷蒸燉寶MD8101F食譜> 羅漢果燉貢梨

當之前品牌公司send訊息來話會有新產品寄來 , 袁太雖然未收到產品 , 但已經想好食譜煮咩 , 第一樣就係羅漢果燉梨 , 袁生一向夜訓早起 , 唔知係咪休息唔夠 , 見佢有幾聲咳 , 羅漢果清熱潤喉相當唔錯 ......



當收到產品陶瓷蒸燉寶 , 已經急不及待開箱 , 袁太一向都好想買個燉盅 , 而家唔駛買喇 , 最愛呢個燉盅細細個 , 份量剛剛好 , 又容易收藏~good good~

第一個食譜係為袁生而設 , 秋涼天氣比較容易病 , 見袁生有幾聲咳 , 可能平時見佢趕圖趕到夜媽媽 , 加上唔夠訓所致 , 羅漢果燉梨所需材料好簡單 , 只需羅漢果 , 貢梨 , 蜜棗 , 冰糖同水就得 , 大家可以用鴨梨 , 不過袁太覺得貢梨甜d , 所以就用貢梨 , 燉佢兩粒鐘就完成 , 絕對快靚正 , 雖然燉盅細細 , 但都有兩碗份量 , 袁生飲左一碗後話味道濃郁 , 唔錯 , 仲有一碗就繼續保溫 , 留待夜晚俾袁生飲埋佢呢 ^^ 



材料 : 貢梨 , 羅漢果 , 冰糖 , 蜜棗 , 水 , 美的陶瓷蒸燉寶(MD8101F)

貢梨去芯 , 連皮切件 , 羅漢果弄碎 , 蜜棗用水沖洗 , 逐一將貢梨肉 , 羅漢果及冰糖放入美的陶瓷蒸燉寶的燉盅內 , 加入熱水至8成滿 , 蓋上燉盅蓋 , 蒸燉寶的煲內加熱水至水位位置 , 放上蒸架 , 放上燉盅 , 蓋上煲蓋 , 先按<功能>鍵 , 調至精華燉功能 , 時間調至2Hours , 再按<開始 / 取消>鍵 , 由佢燉 , 小心蒸氣口

燉至剩餘一小時後會有時間顯示 , 直至嗶嗶聲響代表燉完 , 會進入保溫模式 , 焗約15分鐘即可

 
材料
貢梨2個 , 羅漢果1個 , 冰糖 , 蜜棗4粒 , 水 , 美的陶瓷蒸燉寶(MD8101F)



做法
1. 貢梨去芯 , 連皮切件 , 羅漢果弄碎 , 蜜棗用水沖洗 

2. 逐一將貢梨肉 , 羅漢果及冰糖放入美的陶瓷蒸燉寶的燉盅內 , 加入熱水至8成滿 

3. 蓋上燉盅蓋 

4. 蒸燉寶的煲內加熱水至水位位置 , 放上蒸架 , 放上燉盅 , 蓋上煲蓋

5. 先按<功能>鍵 , 調至精華燉功能 , 時間調至2Hours 

6. 再按<開始 / 取消>鍵 , 由佢燉 , 小心蒸氣口

7. 燉至剩餘一小時後會有時間顯示 

8. 直至嗶嗶聲響代表燉完 , 會進入保溫模式 , 焗約15分鐘即可 




大家可以成個貢梨燉 , 或者好似袁太咁連皮切件燉都得呢 ^^