2018年12月5日 星期三

[早餐系列] 鹹牛肉玉子燒三文治




將時間調番去11月尾的時候 , 某日袁生頻頻嘈嘈閉話想食鹹牛肉蛋治做早餐 , 不過有時又要買餸煮飯煲湯 , 仲要我煮埋早餐~no way~喇 , 見之後有日休息一天唔煮飯 , 所以就決定整袁生想食的鹹牛肉蛋治早餐俾佢嘆下 ......



一般餐廳的鹹牛肉蛋治多數都係煎蛋模式 , 不過袁太就將鹹牛肉蛋做成玉子燒模樣 , 做好鹹牛肉玉子燒後 , 將白麵包烘一烘 , 塗上牛油 , 再放上玉子燒壓平切件就完成 , 見到厚厚的玉子燒已經流晒口水 , 不過都係個句喇 , 鹹牛肉又冇袁太份 , 只可以睇住袁生食 , 一份鹹牛肉玉子燒三文治配支咖啡就成為袁生當日的早餐



袁生食完之後好鬼滿意 , 仲話想再encore添 , 不過我當然冇鬼理佢呢 ^^



材料 : 鹹牛肉罐頭 , 雞蛋 , 黑胡椒碎 , 牛油 , 油 , 白麵包 , 鹽 , 美的早餐機(MZ-DSY18A)




雞蛋打入大碗內 , 加少許鹽及黑胡椒碎拌勻 , 打開鹹牛肉罐頭  , 美的早餐機的煎pan加油燒熱 , 放入鹹牛肉 , 按<煎餅>功能拌炒鹹牛肉數分鐘至熱 , 盛起放入蛋液內拌勻

















牛油放入早餐機的煎pan內待溶 , 逐少加入鹹牛肉蛋液 , 火力調至200 , 煎約1分鐘時間 , 見蛋液開始半凝固狀態 , 用筷子或鏟輕輕將蛋向內捲 , 卷好後 , 推至煎pan邊邊位置 , 再加牛油煮溶 , 加入鹹牛肉蛋液 , 同樣煎約1分鐘時間 , 見蛋液開始半凝固狀態 , 用筷子或鏟輕輕將蛋向內捲 , 卷好後 , 推至煎pan邊邊位置 , 直至蛋液用完備用
















麵包放入煎pan內烘至兩面微黃色 , 取出塗上牛油 , 將切件的鹹牛肉玉子燒放上 , 蓋上麵包稍後壓平 , 修邊切件即可














材料
鹹牛肉罐頭1罐 , 雞蛋5隻 , 黑胡椒碎 , 牛油 , 油 , 白麵包2片 , 鹽 , 美的早餐機(MZ-DSY18A)



做法
1. 雞蛋打入大碗內 , 加少許鹽及黑胡椒碎拌勻 

2. 打開鹹牛肉罐頭 

3. 美的早餐機的煎pan加油燒熱 , 放入鹹牛肉 , 按<煎餅>功能拌炒鹹牛肉數分鐘至熱

4. 盛起放入蛋液內拌勻

5. 牛油放入早餐機的煎pan內待溶 

6. 逐少加入鹹牛肉蛋液 , 火力調至200 , 煎約1分鐘時間 

7. 見蛋液開始半凝固狀態 , 用筷子或鏟輕輕將蛋向內捲 

8. 卷好後 , 推至煎pan邊邊位置 

9. 再加牛油煮溶 , 加入鹹牛肉蛋液 , 同樣煎約1分鐘時間 

10. 見蛋液開始半凝固狀態 , 用筷子或鏟輕輕將蛋向內捲 

11. 卷好後 , 推至煎pan邊邊位置 , 直至蛋液用完備用 

12. 麵包放入煎pan內烘至兩面微黃色 , 取出塗上牛油 , 將切件的鹹牛肉玉子燒放上 

13. 蓋上麵包稍後壓平 , 修邊切件即可 




用玉子燒代替一般煎蛋的方式去製作 , 無論賣相及味道都靚得多 , 美味得多呢 ^^





18 則留言:

  1. 袁太連整三文治都咁靚,真係佩服

    回覆刪除
  2. 老DAD很鍾意食鹹牛肉,我哋細時,佢成日煮比我哋做夾三文治。

    回覆刪除
    回覆
    1. 老DAD好錫妳地呢,我呀爹好少煮野俾我地食呢😂

      刪除
  3. 哇...好厚身呀....
    可以塞住袁生把口等佢無得再呱呱嘈..哈哈!

    回覆刪除
  4. 好大件三文治呀

    回覆刪除
  5. 好重份量的三文治

    回覆刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......