2019年1月14日 星期一

[點心.點心] 鵪鶉蛋燒賣




之前就整左山竹牛肉球俾袁生做早點 , 咁究竟下次整咩早點俾袁生好呢 ??? 我知袁生鐘意食點心 , 但佢又唔喜愛去酒樓嘆茶 , 所以袁太識整都會盡量整俾佢食滿足下佢 , 繼豉椒鳳爪 , 山竹牛肉球之後 , 第三款點心就有佢 ......



鵪鶉蛋燒賣 , 唔知大家喜愛嗎 ??? 以往都係去旺角買燒賣皮 , 不過有時突然想整 , 又懶得搭車出去只係買個燒賣皮 , 不過好彩無意中發現 , A字頭個間日式超市有白色燒賣皮賣 , 呢款就最啱做鵪鶉蛋燒賣




製作鵪鶉蛋燒賣的餡料 , 當然係用上豬肉碎 , 蝦肉兩構 , 袁太還用上肥豬肉製作 , 肥豬肉可以向相熟的豬肉檔叫人俾呢 , 將蝦去殼剁碎 , 肥豬肉又剁碎 , 全部放入大碗內加醃料拌勻 , 用白色燒賣皮包好 , 再蒸至熟 , 呢份早餐食得好滿足 , 好飽肚呢 ^^



材料 : 豬肉碎 , 鮮蝦 , 冬菇 , 肥豬肉 , 鵪鶉蛋 , 薑 , 雞蛋(只用蛋白) , 白色燒賣皮 , 鹽 , 糖 , 胡椒粉 , 酒 , 美的早餐機(MZ-DSY18A)




冬菇沖洗乾淨切細粒 , 鮮蝦去頭去殼 , 連同肥豬肉剁碎 , 薑去皮蘑成薑汁蓉 , 雞蛋只用蛋白 , 豬肉碎 , 蝦膠 , 肥豬肉放入大碗內 , 加入薑汁 , 醃料先拌勻靜待10分鐘 , 10分鐘後加入雞蛋白及冬菇粒拌勻 , 用手撻十餘下放入雪櫃靜待30分鐘

















期間將鵪鶉蛋放入美的早餐機的煲內加水 , 蓋上蓋按<蒸 / 煮>功能 , 時間調至15分鐘煮至鵪鶉蛋熟透 , 將鵪鶉蛋沖一沖洗去殼









將一隻鵪鶉蛋放在一塊白色燒賣皮上 , 再放上餡料 , 整成燒賣狀 , 放入碗內(碗底放上一層牛油紙墊底) , 放入早餐機的蒸架上 , 蓋上蓋按<蒸 / 煮>功能 , 時間調至12分鐘 , 蒸至餡料熟透即可
















材料 
豬肉碎$10 , 鮮蝦4隻 , 冬菇2隻 , 肥豬肉 , 鵪鶉蛋8粒 , 薑 , 雞蛋1隻(只用蛋白) , 白色燒賣皮8塊 , 鹽 , 糖 , 胡椒粉 , 酒 , 美的早餐機(MZ-DSY18A)



做法
1. 冬菇沖洗乾淨切細粒 , 鮮蝦去頭去殼 , 連同肥豬肉剁碎 

2. 薑去皮蘑成薑汁蓉 , 雞蛋只用蛋白 

3. 豬肉碎 , 蝦膠 , 肥豬肉放入大碗內 , 加入薑汁 , 醃料先拌勻靜待10分鐘 

4. 10分鐘後加入雞蛋白及冬菇粒拌勻 , 用手撻十餘下放入雪櫃靜待30分鐘

5. 期間將鵪鶉蛋放入美的早餐機的煲內加水

6. 蓋上蓋按<蒸 / 煮>功能  , 時間調至15分鐘煮至鵪鶉蛋熟透 

7. 將鵪鶉蛋沖一沖洗去殼

8. 將一隻鵪鶉蛋放在一塊白色燒賣皮上 , 再放上餡料 , 整成燒賣狀 

9. 放入碗內(碗底放上一層牛油紙墊底) 

10. 放入早餐機的蒸架上 , 蓋上蓋按<蒸 / 煮>功能 , 時間調至12分鐘 

11. 蒸至餡料熟透即可




呢份鵪鶉蛋燒賣製作實在大成功 , 唔駛5分鐘已經清晒 , 用剩的鵪鶉蛋留待下次用來煲糖水呢 ^^







13 則留言:

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......