[素麵] 麻香素擔擔麵

之前就用左品牌寄來的蝦子粗麵 , 辣椒油做左食譜 , 今次就開封埋最後一盒~黛絲物語素麵~ , 呢盒素麵有四款 , 包括紅菜頭麵 , 三色藜麥麵 , 羽衣甘藍麵及牛肝菌麵 , 平時一向對素麵唔多認識的袁太 , 都頭痛應該用來煮咩好 ......



今朝晨咁早8點幾就起床 , 想訓多陣但又訓唔番 , 就無無聊聊就去街市睇下有咩賣 , 經過豆腐店見鮮冬菇同即食榨菜放埋一起 , 此時突然好想食擔擔麵 , 就每樣買左多少回家 , 快快手整碟~麻香素擔擔麵~做早點 , 唔知點解 , 湯煮的擔擔麵袁太係唔食架 , 但換成撈麵袁太又好喜歡喎 , 而且一定要多多麻醬拌勻先好味



今次的擔擔麵用上三色藜麥麵製作 , 麵煮至軟身後依然彈牙 , 唔會淋到一pat pat咁 , 呢份早餐絕對夠飽肚 , 好滿足呢 ^^



材料 : 鮮冬菇 , 榨菜絲 , 薑蓉 , 黑白芝麻 , 粗粒花生醬 , 大囍慶潮州辣椒油 , 鎮江醋 , 胡椒粉 , 水 , 凍熟油 , 糖 , 酒 , 黛絲物語三色藜麥麵 , 美的早餐機(MZ-DSY18A)

鮮冬菇切粒 , 榨菜絲切碎 , 鑊中放入薑蓉 , 冬菇粒 , 榨菜粒拌勻 , 贊少許酒用中火拌炒數分鐘至菇粒軟身 , 逐一加入粗粒花生醬 , 生抽 , 鎮江醋及糖拌勻 , 加入3/4杯水拌勻 , 再加入數滴辣椒油及少許胡椒粉拌勻 , 用慢火慢慢煮至濃杰汁

三色藜麥麵放入美的早餐機的煲仔內 , 加水蓋過面 , 蓋上蓋按<蒸 / 煮>功能  , 時間調至8分鐘 , 期間將2湯匙粗粒花生醬 , 麻油及凍熟油拌勻成麻醬備用 , 三色藜麥麵煮至軟身後用水沖一沖洗及瀝乾

將三色藜麥麵放入之前煮好的汁內充分拌勻 , 盛起放上碟 , 淋上適量的麻醬 , 最後灑上黑白芝麻即可

材料
鮮冬菇 , 榨菜絲 , 薑蓉 , 黑白芝麻 , 粗粒花生醬 , 大囍慶潮州辣椒油數滴 , 鎮江醋1湯匙 , 胡椒粉 , 水3/4杯 , 凍熟油1湯匙 , 糖 , 酒 , 黛絲物語三色藜麥麵1個 , 美的早餐機(MZ-DSY18A)



做法
1. 鮮冬菇切粒 , 榨菜絲切碎 

2. 鑊中放入薑蓉 , 冬菇粒 , 榨菜粒拌勻 , 贊少許酒用中火拌炒數分鐘至菇粒軟身 

3. 逐一加入粗粒花生醬 , 生抽 , 鎮江醋及糖拌勻 

4. 加入3/4杯水拌勻 

5. 再加入數滴辣椒油及少許胡椒粉拌勻 , 用慢火慢慢煮至濃杰汁

6. 三色藜麥麵放入美的早餐機的煲仔內 , 加水蓋過面 

7. 蓋上蓋按<蒸 / 煮>功能  , 時間調至8分鐘 

8. 期間將2湯匙粗粒花生醬 , 麻油及凍熟油拌勻成麻醬備用 

9. 三色藜麥麵煮至軟身後用水沖一沖洗及瀝乾 

10. 將三色藜麥麵放入之前煮好的汁內充分拌勻 

11. 盛起放上碟 , 淋上適量的麻醬 , 最後灑上黑白芝麻即可 




香滑濃郁的麻醬 , 藜麥麵的彈牙口感 , 配上鮮冬菇及榨菜做材料 , 一碟色香味俱全的擔擔麵 , 令袁太食完想再encore呢 ^^