蔥油鹽焗雞翼

袁太久唔久就會定時買定雞翼放冰箱做存貨 , 皆因喜愛雞翼煮法多多 , 煎蒸炆煮炸樣樣得 , 袁太細細聲同大家講 , 其實袁生一向唔太愛雞翼架 , 只不過最近煮多左 , 見佢好似開始喜愛雞翼 ,  所以買定就可以方便隨時用來煮下午茶 , 小食或晚餐 ......



上次就同大家分享左鹽焗雞翼的焗爐版 , 不過今次就唔煎 , 唔炸 , 唔炆 , 用最簡單的方法 ~蒸~ , 當然雞翼用簡單醃料醃完去蒸 , 味道一定會比較淡 , 所以醃雞翼的時候加少少鹽焗雞粉醃 , 令味道提升少許 , 但仍然會不夠味道 , 所以再用最簡單的方法 , 整個蔥油醬淋上雞翼面 , 咁就變得香濃美味



呢款蔥油醬做法簡單 , 而且味道好香 , 整好的蔥油醬可放入樽放雪櫃保存一星期 , 用來拌麵或沾薰蹄都好好味呢 ^^ 



材料 : 雞中翼 , 薑汁 , 薑 , 酒 , 鹽焗雞粉 , 乾蔥頭 , 蔥 , 蒜頭 , 胡椒粉 , 糖 , 美的早餐機(MZ-DSY18A)

雞中翼用叉拮幾下方便醃的時候比較入味 , 雞中翼用水沖一沖洗 , 再抹乾水份 , 放入碗內加入鹽焗雞粉 , 薑汁及醃料拌勻靜待1小時 , 期間將薑去皮切細粒 , 蔥切粒 , 蒜頭 , 乾蔥頭去皮切細粒

乾蔥粒 , 蒜粒及薑粒放入鑊中拌炒數分鐘至有香味 , 加入1茶匙鹽焗雞粉及少許生抽 , 糖拌勻 , 將蔥粒先放入煲內 , 加入爆香的薑蔥蒜油拌勻成蔥油醬備用

醃好的雞翼放上碟 , 放入早餐機的蒸架上 , 蓋上蓋按<蒸 / 煮>功能 , 時間調至15分鐘 , 15分鐘後焗5分鐘 , 取出將雞翼轉放另一碟內 , 淋上適量的蔥油醬即可

材料 
雞中翼6隻 , 薑汁 , 薑 , 酒 , 鹽焗雞粉 , 乾蔥頭3粒 , 蔥 , 蒜頭1/2個 , 胡椒粉 , 糖 , 美的早餐機(MZ-DSY18A)

醃料 
酒 , 鹽



做法
1. 雞中翼用叉拮幾下方便醃的時候比較入味

2. 雞中翼用水沖一沖洗 , 再抹乾水份 

3. 放入碗內加入鹽焗雞粉 , 薑汁及醃料拌勻靜待1小時 

4. 期間將薑去皮切細粒 , 蔥切粒 , 蒜頭 , 乾蔥頭去皮切細粒 

5. 乾蔥粒 , 蒜粒及薑粒放入鑊中拌炒數分鐘至有香味 

6. 加入1茶匙鹽焗雞粉及少許生抽 , 糖拌勻 

7. 將蔥粒先放入煲內 , 加入爆香的薑蔥蒜油拌勻成蔥油醬備用

8. 醃好的雞翼放上碟 , 放入早餐機的蒸架上 , 蓋上蓋按<蒸 / 煮>功能 , 時間調至15分鐘

9. 15分鐘後焗5分鐘 

10.  取出將雞翼轉放另一碟內 , 淋上適量的蔥油醬即可 




清淡的蒸雞翼配上香噴噴的蔥油醬 , 實在太美味 , 用剩的蔥油醬簡單配上粗麵 , 都一樣咁美味呢 ^^