上海粗炒

袁太由細到大都好鐘意食上海麵 , 兒時媽咪經常煮雪菜肉絲上海麵俾我食 , 每次必然用粗上海麵煮 , 麵夠彈牙 , 雪菜鹹鹹 , 好好味 , 而家講起都想食 , 等我過幾日打俾媽咪煮俾我 , 等我番娘家可以有得食 ......



不過粗上海麵除左配雪菜肉絲煮之外 , 用來炒都唔錯 , 一於整個上海粗炒做午餐 , 上海粗炒絕對係我my favourite , 不過而家係上海店食上海粗炒都好貴一碟 , 自己炒價錢相當便宜 , 又可以用多多配料炒 , 唯一美中不足係冇街個種鑊氣的味道 , 街食的上海粗炒一般都會用冬菇 , 不過袁太唔會用冬菇 , 皆因家中袁生話唔想要菇 , 所以袁太就轉用雲耳代替 , 爽爽的都唔錯呢 ^^



材料 : 粗上海麵 , 雲耳 , 椰菜 , 半肥瘦豬肉 , 白芝麻 , 酒 , 鹽 , 糖 , 胡椒粉 , 水 , 油 , 美的早餐機(MZ-DSY18A) 

半肥瘦豬肉切片 , 放入碗內加入醃料拌勻靜待30分鐘 , 期間將椰菜切絲 , 雲耳略切細 , 用水沖一沖洗及瀝乾 , 粗上海麵放入美的早餐機的煲內加水 , 按<蒸 / 煮>功能 , 煮至微滾時將上海麵拌散 , 再將時間調至15分鐘煮至上海麵完全軟身 , 再蓋上蓋焗10分鐘 

椰菜絲放入美的早餐機的煎pan內 , 按<煎餅>功能 , 加少許鹽及水拌勻炒至椰菜軟身 , 盛起備用 , 上海麵焗10分鐘後盛起放入煲內 , 用水沖一沖洗再瀝乾

鑊中加入豬肉用中火炒至轉色先盛起 , 原鑊加入上海麵 , 調味料及水拌勻至麵上色 , 逐一加入椰菜絲 , 雲耳 , 豬肉片 , 用中火拌勻炒數分鐘 , 最後加入白芝麻拌勻即可

 



材料
粗上海麵1個 , 雲耳 , 椰菜1個 , 半肥瘦豬肉$15 , 白芝麻 , 酒 , 鹽 , 糖 , 胡椒粉 , 水50ml , 油 , 美的早餐機(MZ-DSY18A)  

醃料
鹽 , 生抽 , 糖 , 胡椒粉 , 生粉 , 酒 , 油

調味料
蠔油 , 生抽 , 老抽 , 鹽 , 糖



做法
1. 半肥瘦豬肉切片 , 放入碗內加入醃料拌勻靜待30分鐘 

2. 期間將椰菜切絲 , 雲耳略切細 , 用水沖一沖洗及瀝乾 

3. 粗上海麵放入美的早餐機的煲內加水 , 按<蒸 / 煮>功能 , 煮至微滾時將上海麵拌散

4. 再將時間調至15分鐘煮至上海麵完全軟身 

5. 再蓋上蓋焗10分鐘 

6. 椰菜絲放入美的早餐機的煎pan內 , 按<煎餅>功能 , 加少許鹽及水拌勻炒至椰菜軟身 

7. 盛起備用

8. 上海麵焗10分鐘後盛起放入煲內 , 用水沖一沖洗再瀝乾

9. 鑊中加入豬肉用中火炒至轉色先盛起 

10. 原鑊加入上海麵 , 調味料及水拌勻至麵上色 

11. 逐一加入椰菜絲 , 雲耳 , 豬肉片 , 用中火拌勻炒數分鐘 

12. 最後加入白芝麻拌勻即可 




大大碟的上海粗炒 , 在家製作絕對容易 , 又可以用自己喜愛的材料炒 , 美味呢 ^^