[素湯系列] 四豆南瓜蕃薯素湯

自從袁太姐姐做完小手術後 , 袁太每星期都會煲湯水俾姐姐飲調理下身子 , 之前就煲左猴頭菇素湯俾姐姐飲 , 姐姐實在讚不絕口 , 今次就繼續煲素湯 , 因姐姐唔太喜歡肉湯 , 所以袁太都盡量遷就姐姐喜愛的食材入手 .......



不過其實姐姐都冇話特別有咩係唔食 , 只喜歡食湯渣 , 所以想飲多湯渣的湯水 , 之前煮西米露時還剩下幾個蕃薯 , 一於煲蕃薯湯 , 其實蕃薯配南瓜都好好味 , 就煲南瓜蕃薯湯喇 , 素湯離不開都係用個幾樣材料 , 今次袁太就選用多豆豆 , 包括紅豆 , 綠豆 , 黑豆及眉豆 , 還配上栗子 , 腰果 , 無花果做材料 , 味道濃濃又多湯渣 , 相信姐姐一定好喜歡呢個湯水呢 ^^

材料 : 雞蛋黃蕃薯 , 栗子 , 腰果 , 紅豆 , 綠豆 , 眉豆 , 黑豆 , 無花果(預先浸水10分鐘) , 南瓜 , 鹽 , 美的智能高速鍋(MY-SS5033)

栗子放水煲內加水 , 用中火煮滾 , 盛起栗子趁熱去殼 , 將栗子肉用水沖一沖洗及瀝乾 , 南瓜去皮去籽切大粒 , 雞蛋黃蕃薯去皮切件 , 無花果切半 , 腰果用水沖一沖洗及瀝乾 , 紅豆 , 綠豆 , 黑豆亦用水沖一沖洗及瀝乾 , 放入煲內用中火炒數分鐘有香味

將豆豆放入美的智能高速鍋的煲內 , 逐一加入南瓜 , 栗子 , 腰果 , 眉豆及無花果 , 加入適量水拌勻 , 蓋上蓋先按<菜單> , 選擇煲湯功能 , 再按<烹飪模式> , 選擇標準模式 , 再按<開始> , 之後會有時間顯示需時多久 , 期間將蕃薯用水沖一沖洗及瀝乾 , 高速鍋煮完後會發出嗶嗶聲響 , 此時安全眼會凸出 , 用手向右排氣 , 當安全眼落下代表排氣完成 , 便可打開鍋蓋

將蕃薯放入煲內拌勻 , 蓋上蓋再按<菜單> , 選擇煲湯功能 , 再按<烹飪模式> , 選擇快速模式 , 再按<開始> , 之後會有時間顯示需時多久 , 高速鍋煮完後會發出嗶嗶聲響 , 再一次排氣 , 最後加少許鹽調味拌勻即可

材料
雞蛋黃蕃薯4個 , 栗子1/2磅 , 腰果 , 紅豆 , 綠豆 , 眉豆 , 黑豆 , 無花果4粒(預先浸水10分鐘) , 南瓜1/2邊 , 鹽 , 美的智能高速鍋(MY-SS5033)



做法

1. 栗子放水煲內加水 , 用中火煮滾 , 盛起栗子趁熱去殼 

2. 將栗子肉用水沖一沖洗及瀝乾

3. 南瓜去皮去籽切大粒 , 雞蛋黃蕃薯去皮切件 , 無花果切半 

4. 腰果用水沖一沖洗及瀝乾 

5. 紅豆 , 綠豆 , 黑豆亦用水沖一沖洗及瀝乾 , 放入煲內用中火炒數分鐘有香味 

6. 將豆豆放入美的智能高速鍋的煲內 , 逐一加入南瓜 , 栗子 , 腰果 , 眉豆及無花果 

7. 加入適量水拌勻

8. 蓋上蓋先按<菜單> , 選擇煲湯功能 , 再按<烹飪模式> , 選擇標準模式 , 再按<開始> 

9. 之後會有時間顯示需時多久

10. 期間將蕃薯用水沖一沖洗及瀝乾

11. 高速鍋煮完後會發出嗶嗶聲響

12. 此時安全眼會凸出 , 用手向右排氣 , 當安全眼落下代表排氣完成

13. 便可打開鍋蓋

14. 將蕃薯放入煲內拌勻 

15. 蓋上蓋再按<菜單> , 選擇煲湯功能 , 再按<烹飪模式> , 選擇快速模式 , 再按<開始>

16. 之後會有時間顯示需時多久

17. 高速鍋煮完後會發出嗶嗶聲響 , 再一次排氣 , 最後加少許鹽調味拌勻即可 




呢款素湯袁太極力推介俾大家 , 真係好好味 , 大家有時間都煲黎飲下呢 ^^