2019年4月3日 星期三

焗紅豆西米布甸




突然又好想食甜品 , 好彩地俾我係廚房找到咁多材料 , 就整最愛的焗紅豆西米布甸 , 其實唔止袁太愛吃 , 連袁太爹地都喜愛架 , 雖然有排都未到父親節 , 不過整父母愛吃的食物 , 等佢地可以開心下 ......



回想過去 , 袁太有時係酒樓都會叫呢款甜品 , 不過唔係每間都好味 , 有時食到既焗布甸 , 味道係超淡 , 直頭淡到連內餡的蓮蓉都係淡既 , 講開蓮蓉 , 其實袁太唔係咁鐘意食蓮蓉 , 永遠覺得蓮蓉係一樣好"流"的食物 , 所以如果俾我的話 , 我一定會將蓮蓉餡轉做紅豆蓉 , 焗西米布甸不論材料或製作都好簡單容易 , 先煮好個西米 , 再煮個布甸糊 , 個布甸糊一路煮就一路散發出香味 , 未食已經覺得好甜



如果大家有時間 , 內餡的紅豆蓉當然可以自家製 , 不過廚房還有一罐現成紅豆蓉 , 所以今次就用現成罐頭吧 , 好方便呢 ^^



材料 : 鮮奶 , 西米 , 花奶 , 牛油 , 吉士粉 , 雞蛋 , 紅豆蓉 , 砂糖 , 錫紙焗盆




西米放入煲內 , 加水浸過面 , 拌一拌勻西米以免黏底 , 用慢火煮至西米成透明狀後蓋上蓋焗15分鐘 , 再將西米倒入隔篩內用水沖洗數分鐘 , 加入冰水浸過面靜待10分鐘後瀝乾水份備用



















雞蛋打入碗內 , 加入100ml鮮奶 , 吉士粉拌勻 , 將牛油及砂糖放入煲內 , 加入餘下的鮮奶及50ml花奶拌勻 , 用慢火煮至牛油溶後加入雞蛋吉士湖拌勻 , 用慢火一路煮一路拌勻煮至濃稠 , 熄火加入西米拌勻
























將西米湖放入焗碗內至1/3份滿 , 再放入適量紅豆蓉 , 再放上西米糊至九分滿 , 靜待10分鐘 , 期間將焗爐用200C預熱10分鐘 , 西米布甸放入焗盤內 , 加入100ml水於焗盤內 , 放入焗爐中層用200C上下火焗15分鐘 , 取出灑少許砂糖於布甸面 , 再入焗爐繼續用200C上火焗5分鐘至表面成金黃色 , 取出靜待10分鐘即可
























 
材料
鮮奶1支 , 西米60g , 花奶50ml , 牛油20g , 吉士粉2湯匙 , 雞蛋1隻 , 紅豆蓉 , 砂糖45g + 10g(灑面用) , 錫紙焗盆



做法
1. 西米放入煲內 , 加水浸過面 , 拌一拌勻西米以免黏底 

2. 用慢火煮至西米成透明狀後蓋上蓋焗15分鐘 

3. 再將西米倒入隔篩內用水沖洗數分鐘 , 加入冰水浸過面靜待10分鐘後瀝乾水份備用

4. 雞蛋打入碗內 , 加入100ml鮮奶 , 吉士粉拌勻

5. 將牛油及砂糖放入煲內 , 加入餘下的鮮奶及50ml花奶拌勻

6. 用慢火煮至牛油溶後加入雞蛋吉士湖拌勻

7. 用慢火一路煮一路拌勻煮至濃稠 , 熄火加入西米拌勻

8. 將西米湖放入焗碗內至1/3份滿 , 再放入適量紅豆蓉 , 再放上西米糊至九分滿 

9. 靜待10分鐘 

10. 期間將焗爐用200C預熱10分鐘 

11. 西米布甸放入焗盤內 , 加入100ml水於焗盤內 , 放入焗爐中層用200C上下火焗15分鐘

12. 取出灑少許砂糖於布甸面 , 再入焗爐繼續用200C上火焗5分鐘至表面成金黃色 

13. 取出靜待10分鐘即可 




賣相金金黃黃靚靚又好味的焗紅豆西米布甸 , 有冇朋友仔要試呢 ^^








14 則留言:

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......