脆脆芋頭煎魚肉餅

呢排天氣真係唔太好 , 一時就陽光普照 , 一時就得少許陽光 , 一時又突然傾盆大雨 , 如果豬豬還在家的話 , 聽到落雨或雷聲 , 一定要袁太抱抱呢 ......



見今日都屬於陽光普照 , 暫時一滴雨都冇 , 快快手洗床單 , 等太陽曬下都快乾D , 平時當袁太毫無頭緒煮什麼晚餐的時候 , 鯪魚肉永遠係我的救星 , 去街市買左半斤鯪魚肉 , 再買芋頭 , 再加上廚房的常客 , 雞蛋 , 冬菇及蝦米 , 一同放入大碗內拌勻 , 再撻幾下 , 雪下佢 , 搓圓再放入鑊中煎至兩面金黃色及脆口就可以



絕對簡單又好味 , 雖然唔係炸物 , 但煎到金黃熱辣辣 , 食起來都好似炸物咁香口呢 ^^



材料 : 鯪魚肉 , 芋頭 , 冬菇(預先浸軟) , 蝦乾(預先浸軟) , 雞蛋 , 白芝麻 , 鹽 , 糖 , 胡椒粉 , 美的早餐機(MZ-DSY18A)

鯪魚肉放入碗內 , 加入醃料拌勻先靜待30分鐘 , 芋頭去皮一半切粒 , 一半切絲 , 冬菇切粒 , 蝦乾切碎 , 芋頭粒放入碗內 , 放入美的早餐機內蓋上蓋 , 時間調至20分鐘 , 蒸熟後壓成蓉

芋蓉加入鯪魚肉內拌勻 , 再加入雞蛋 , 冬菇粒 , 蝦乾及芋頭絲拌勻 , 蓋上保鮮紙入雪櫃靜待30分鐘 , 30分鐘後加入白芝麻拌勻靜待10分鐘 , 適量的材料放入美的早餐機的煎pan內 , 按<煎餅>功能煎至兩面金黃色 , 或放入鑊中用慢火慢慢至兩面金黃色即可

材料
鯪魚肉半斤 , 芋頭1/2個 , 冬菇3隻(預先浸軟) , 蝦乾(預先浸軟) , 雞蛋1隻 , 白芝麻 , 鹽 , 糖 , 胡椒粉 , 美的早餐機(MZ-DSY18A)

醃料
鹽 , 糖 , 生粉 , 麻油 , 胡椒粉



做法
1. 鯪魚肉放入碗內 , 加入醃料拌勻先靜待30分鐘

2. 芋頭去皮一半切粒 , 一半切絲 , 冬菇切粒 , 蝦乾切碎

3. 芋頭粒放入碗內 , 放入美的早餐機內蓋上蓋 , 時間調至20分鐘

4. 蒸熟後壓成蓉

5. 芋蓉加入鯪魚肉內拌勻 

6. 再加入雞蛋 , 冬菇粒 , 蝦乾及芋頭絲拌勻 , 蓋上保鮮紙入雪櫃靜待30分鐘 

7. 30分鐘後加入白芝麻拌勻靜待10分鐘 

8. 適量的材料放入美的早餐機的煎pan內 , 按<煎餅>功能煎至兩面金黃色
 
9. 或放入鑊中用慢火慢慢至兩面金黃色即可 




脆卜卜的芋頭煎魚肉餅 , 袁生袁太都十分喜歡呢 ^^