茄子肉燥炒米粉

最近天氣真係好熱 , 太陽猛到有點過份 , 落一落街都出晒汗，成身濕晒 , 呢種天氣真係有點兒難頂 ...... 



還有呢種天氣真係有點兒唔想煮飯 , 唔想食飯 , 之但係我又唔喜歡食外賣 , 問袁生想食咩 , 又係例牌個樣~肉燥~ , 吓 ... 又肉燥呀 , 我都話唔想食飯囉 , 咁肉燥配米粉得唔得 ??? 袁生OK , 我就即刻飛去街市買材料 , 一般炒米粉我喜愛加少許蔬菜一齊炒 , 都係離不開甘旬呀 , 椰菜咁喇 , 但又恐怕袁生覺得清又投訴 , 剛巧雪櫃發現有3條幼身茄子 , 再唔煮就爛 , 就快快手來個茄子肉燥



肉燥味道比較濃 , 用來拌米粉 , 拌麵絕對一流 , 不過雖然味道濃 , 但袁生依然要加豆瓣醬一齊食 , 都傻傻地架, 炒出來大大碟 , 但唔駛10分鐘已經K.O晒呢 ^^



材料 : 豬肉碎 , 茄子(幼身) , 椰菜 , 甘旬 , 銀絲炒米粉 , 乾蔥頭 , 蔥 , 胡椒粉 , 五香粉 , 油 , 糖 , 台灣醬油膏 , 水 , 錫紙 , 美的早餐機(MZ-DSY18A)

豬肉碎放入碗內 , 加少許油及水拌勻靜待30分鐘 , 乾蔥頭去衣切片 , 蔥切段 , 茄子切粒 , 將茄子放入美的早餐機的煎pan內 , 加油按<煎蛋 / 煙肉>功能 , 時間調至5分鐘 , 拌勻茄子炒至半軟 , 盛起放在錫紙上 , 煎茄子的油留起備用

燒紅鑊 , 爆香蔥段及乾蔥頭 , 加入豬肉碎炒至略轉色 , 夾起蔥段去掉 , 加入五香粉及調味料拌勻炒散豬肉碎及轉色 , 放入美的早餐機的煲內 , 加約3杯水份量拌勻 , 蓋上蓋按<蒸 / 煮>功能 , 時間調至45分鐘慢慢煮

椰菜切絲 , 甘旬去皮切絲 , 米粉放入水中拌勻煮至軟身 , 盛起放在錫紙上待涼20分鐘 , 肉燥煮45分鐘後加入茄子拌勻 , 蓋上蓋按<蒸 / 煮>功能 , 時間調至15分鐘 , 煮成茄子肉燥備用

 

將之前煎茄子的油放入鑊中燒熱 , 放入椰菜絲 , 甘旬絲拌炒數分鐘至軟身 , 加入米粉 , 少許鹽及1/2杯水拌勻 , 用中火炒至米粉收乾水份 , 將茄子肉燥回鑊拌炒數分鐘即可

材料
豬肉碎$15 , 茄子(幼身)3條 , 椰菜1個 , 甘旬1條 , 銀絲炒米粉2個 , 乾蔥頭3粒 , 蔥 , 胡椒粉 , 五香粉1茶匙 , 油 , 糖 , 台灣醬油膏 , 水3杯 , 錫紙 , 美的早餐機(MZ-DSY18A)

調味料
台灣醬油膏1湯匙 , 老抽 , 糖 , 胡椒粉



做法
1. 豬肉碎放入碗內 , 加少許油及水拌勻靜待30分鐘

2. 乾蔥頭去衣切片 , 蔥切段 , 茄子切粒 

3. 將茄子放入美的早餐機的煎pan內 , 加油按<煎蛋 / 煙肉>功能 , 時間調至5分鐘 

4. 拌勻茄子炒至半軟 , 盛起放在錫紙上 , 煎茄子的油留起備用

5. 燒紅鑊 , 爆香蔥段及乾蔥頭 , 加入豬肉碎炒至略轉色 , 夾起蔥段去掉 

6. 加入五香粉及調味料拌勻炒散豬肉碎及轉色 

7. 放入美的早餐機的煲內 , 加約3杯水份量拌勻 

8. 蓋上蓋按<蒸 / 煮>功能 , 時間調至45分鐘慢慢煮

9. 椰菜切絲 , 甘旬去皮切絲 

10. 米粉放入水中拌勻煮至軟身 , 盛起放在錫紙上待涼20分鐘 

11. 肉燥煮45分鐘後加入茄子拌勻 , 蓋上蓋按<蒸 / 煮>功能 , 時間調至15分鐘

12. 煮成茄子肉燥備用

13. 將之前煎茄子的油放入鑊中燒熱 , 放入椰菜絲 , 甘旬絲拌炒數分鐘至軟身 

14. 加入米粉 , 少許鹽及1/2杯水拌勻 , 用中火炒至米粉收乾水份 

15. 將茄子肉燥回鑊拌炒數分鐘即可




美味的茄子肉燥炒米粉 , 真係好味到停唔到口 , 見肉燥還有剩 , 整多碟肉燥炒油麥菜食下呢 ^^