節瓜粟米紅衫魚湯

魚湯我最愛用紅衫魚 , 三文魚頭 , 魚尾同鯽魚煲 , 之前就煲左鯽魚湯 , 本應想買三文魚頭煲湯 , 不過街市唔見有 , 之後經過賣淡水魚的魚檔見一份份紅衫魚只係廿五大洋 , 就買左一份決定煲紅衫魚湯 ......



其實以往紅衫魚係我呢邊街市比較難搵到 , 應該說係比較難見到細條的紅衫魚 , 次次都好鬼大條 , 只不過用來煮湯當然係用細條的好, 當買好魚之後又要想想用咩配紅衫魚 , 起初想用勝瓜 , 魚肚夾紅衫魚 , 不過可惜袁生唔愛食勝瓜 , 如果用蔬菜類煲湯 , 他只愛芹菜同節瓜 , 咁就用節瓜吧 



另外加埋粟米同鮮腐竹一齊煲 , 鮮甜的魚湯配上粟米的甜味 , 仲有鮮腐竹的豆香味 , 飲唔晒湯留待做湯飯都唔錯呢 ^^



材料 : 節瓜 , 紅衫魚 , 鮮腐竹 , 粟米 , 薑 , 胡椒粉 , 鹽 , 粟米鬚 , 美的智能高速鍋(MY-SS5033)

紅衫魚用水沖洗乾淨抹乾水份 , 加少許鹽及胡椒粉拌勻靜待30分鐘 , 節瓜刮去皮切厚片 , 粟米切段 , 薑去皮切片 , 鮮腐竹撕成細片後用水沖一沖洗及瀝乾

鑊中爆香薑片 , 放入紅衫魚用慢火慢慢煎至兩面金黃色 , 加入適量熱水先用中火煮滾 , 蓋上蓋繼續用中火煮20分鐘成奶白色湯

逐一將節瓜 , 粟米 , 鮮腐竹及粟米鬚放入美的智能高速鍋的煲內 , 加入紅衫魚湯拌勻 , 蓋上蓋先按<菜單> , 選擇煲湯功能 , 再按<烹飪模式> , 選擇標準模式 , 再按<開始> , 之後會有時間顯示需時多久 , 高速鍋煮完後會發出嗶嗶聲響 , 焗20分鐘 , 此時安全眼會凸出 , 用手向右排氣 , 當安全眼落下代表排氣完成 , 便可打開鍋蓋 ,  最後加少許鹽及胡椒粉調味拌勻即可

材料 
節瓜3個 , 紅衫魚(細)4條 , 鮮腐竹$10 , 粟米1條 , 薑 , 胡椒粉 , 鹽 , 粟米鬚 , 美的智能高速鍋(MY-SS5033)



做法
1. 紅衫魚用水沖洗乾淨抹乾水份 , 加少許鹽及胡椒粉拌勻靜待30分鐘 

2. 節瓜刮去皮切厚片 , 粟米切段 , 薑去皮切片 

3. 鮮腐竹撕成細片後用水沖一沖洗及瀝乾

4. 鑊中爆香薑片 , 放入紅衫魚用慢火慢慢煎至兩面金黃色

5. 加入適量熱水先用中火煮滾 , 蓋上蓋繼續用中火煮20分鐘成奶白色湯

6. 逐一將節瓜 , 粟米 , 鮮腐竹及粟米鬚放入美的智能高速鍋的煲內 

7. 加入紅衫魚湯拌勻 , 蓋上蓋先按<菜單> , 選擇煲湯功能

8. 再按<烹飪模式> , 選擇標準模式 , 再按<開始> , 之後會有時間顯示需時多久 

9. 高速鍋煮完後會發出嗶嗶聲響 , 焗20分鐘 

10. 此時安全眼會凸出 , 用手向右排氣 , 當安全眼落下代表排氣完成 , 便可打開鍋蓋 

11. 最後加少許鹽及胡椒粉調味拌勻即可 




鮮甜美味的魚湯 , 如果現在有碗白飯 , 米線或者烏冬俾我就好呢 ^^