薑汁燉蛋 / 薑汁鮮奶燉蛋白

袁太份人好得意 , 每當想食甜品或糖水 , 就會日日整 , 之前整左焗西米布甸 , 蕃薯糖水後 , 今次就整簡單的燉蛋做甜品 , 以往袁太每次整燉蛋 , 離不開都會一次過整晒燉蛋白用燉蛋 , 原因好簡單 , 因為袁生只食燉蛋白 , 唔鐘意食燉蛋 , 袁太就相反 , 鐘意食燉蛋 , 就唔鐘意食燉蛋白 , 所以每次都要整晒兩樣先得 ......

每次整燉蛋最喜愛配薑汁 , 濃濃的薑汁配上甜甜的蛋香味 , 真係好鬼正 , 而且整燉蛋同燉蛋白非常簡單 , 好快就有得食 , 不過大家記得蒸的時候一定要蓋上錫紙或保鮮紙 , 咁就可以蒸到滑滑的燉蛋同燉蛋白 , 經袁生袁太試食完 , 袁太對燉蛋的評語係 , 燉蛋好滑滑 , 薑汁甜味剛剛好 , 而袁生對燉蛋白的評語係 , 薑汁味就比較重 , 不過蛋白好滑 , 總括來說 , 兩樣咁好味呢 ^^



材料 : 鮮奶 , 白砂糖 , 薑 , 冰糖 , 雞蛋 , 水 , 隔篩 , 錫紙 , 錫紙焗盆 , 美的早餐機(MZ-DSY18A)

薑去皮蘑成兩份薑汁 , 先整燉蛋 , 將冰糖放入煲內加250ml水用中火煮至冰糖溶 , 將冰糖水靜待10分鐘至涼 , 期間將3隻雞蛋打入大碗內打發成蛋液 , 加入一份薑汁及冰糖水拌勻 , 用隔篩過濾在量杯內 , 倒入錫紙盆內至九分滿備用

再整燉蛋白 , 將2隻蛋白打入大碗內 , 加入白砂糖拌勻 , 再加入餘下一份薑汁及鮮奶拌勻 , 用隔篩過濾在量杯內 , 倒入錫紙盆內至九分滿

將燉蛋同燉蛋白分別用錫紙蓋好封口 , 美的早餐機煲仔加水蓋上蓋 , 按<蒸 / 煮>功能 , 時間調至10分鐘至熱 , 逐一將燉蛋放入 , 蓋上蓋按<蒸 / 煮>功能 , 時間調至10分鐘 , 熄火焗5分鐘 , 再將燉蛋白放入 , 蓋上蓋按<蒸 / 煮>功能 , 時間調至15分鐘 , 熄火焗10鐘即可

 
材料
鮮奶1支 , 白砂糖2湯匙 , 薑 , 冰糖45g , 雞蛋5隻 , 水 250ml, 隔篩 , 錫紙 , 錫紙焗盆 , 美的早餐機(MZ-DSY18A)

做法

1. 薑去皮蘑成兩份薑汁 

2. 先整燉蛋 , 將冰糖放入煲內加250ml水用中火煮至冰糖溶

3. 將冰糖水靜待10分鐘至涼 

4. 期間將3隻雞蛋打入大碗內打發成蛋液 , 加入一份薑汁及冰糖水拌勻

5. 用隔篩過濾在量杯內 , 倒入錫紙盆內至九分滿備用

6. 再整燉蛋白 , 將2隻蛋白打入大碗內 , 加入白砂糖拌勻

7. 再加入餘下一份薑汁及鮮奶拌勻 

8. 用隔篩過濾在量杯內 , 倒入錫紙盆內至九分滿

9. 將燉蛋同燉蛋白分別用錫紙蓋好封口 

10. 美的早餐機煲仔加水蓋上蓋 , 按<蒸 / 煮>功能 , 時間調至10分鐘至熱

11. 逐一將燉蛋放入 , 蓋上蓋按<蒸 / 煮>功能 , 時間調至10分鐘 , 熄火焗5分鐘

12. 再將燉蛋白放入 , 蓋上蓋按<蒸 / 煮>功能 , 時間調至15分鐘 , 熄火焗10鐘即可




一次過整晒燉蛋同燉蛋白兩款 , 唔知大家鐘意邊款多d呢 ^^