四豆紅蘿蔔粉葛豬骨湯

之前用左四豆配南瓜蕃薯煲湯 , 眾人都讚不絕口 , 可能豆豆煲湯比較濃味 , 好難唔愛上 , 所以見上次豆豆湯咁受歡迎 , 今次再黎豆豆湯系列 ......



去街市諗緊用咩材料配豆豆的時候 , 見好多太太們都買粉葛煲湯 , 都係既 , 夏天飲粉葛湯都好好 , 可以清虛火 , 袁太就一於湊熱鬧買埋一份 , 買左半個 , 上次的南瓜蕃薯就配紅豆 , 綠豆 , 黑豆 , 眉豆 , 今次都差不多 , 只係將眉豆換上赤小豆 , 再加上生薏米 , 另配上紅蘿蔔 , 豬骨 , 蜜棗 , 果皮煲 , 味道一定濃濃



而家煲老火湯都會用上美的智能高速鍋呢個好幫手 , 好快就有靚湯 , 呢款湯水味道好濃郁 , 而且多豆豆多湯渣 , 只飲湯都夠晒飽肚 , 可以打斧頭唔駛煮飯 , 只飲湯做晚餐呢 ^^

材料 : 粉葛 , 紅豆 , 綠豆 , 黑豆 , 赤小豆 , 果皮(預先浸軟) , 生薏米 , 蜜棗 , 鹽 , 豬骨 , 美的智能高速鍋(MY-SS5033)

豬骨放入煲內加水 , 用慢火煮滾出水 , 盛起豬骨用水沖一沖洗及去碎骨 , 瀝乾水份 , 紅豆 , 綠豆 , 黑豆用水沖一沖洗及瀝乾 , 果皮刮去囊撕成細片 , 紅蘿蔔去皮切件

將紅豆 , 綠豆 , 黑豆放入煲內用中火炒數分鐘後放入美的智能高速鍋的煲內 , 逐一加入豬骨 , 紅蘿蔔 , 赤小豆 , 生薏米 , 蜜棗及果皮 , 加入適量水拌勻 , 蓋上蓋先按<菜單> , 選擇煲湯功能 , 再按<烹飪模式> , 選擇快速模式 , 再按<開始> , 之後會有時間顯示需時多久 , 期間將粉葛切件 , 用水沖一沖洗及瀝乾 , 高速鍋煮完後會發出嗶嗶聲響 , 此時安全眼會凸出 , 用手向右排氣 , 當安全眼落下代表排氣完成 , 便可打開鍋蓋

將粉葛放入煲內拌勻 , 蓋上蓋再按<菜單> , 選擇煲湯功能 , 再按<烹飪模式> , 選擇標準模式 , 再按<開始> , 之後會有時間顯示需時多久 , 高速鍋煮完後會發出嗶嗶聲響 , 再一次排氣 , 最後加少許鹽調味拌勻即可

材料
粉葛1/2個 , 紅豆 , 綠豆 , 黑豆 , 赤小豆 , 果皮1塊(預先浸軟) , 生薏米 , 蜜棗4粒 , 鹽 , 豬骨 , 美的智能高速鍋(MY-SS5033)



做法

1. 豬骨放入煲內加水 , 用慢火煮滾出水 , 盛起豬骨用水沖一沖洗及去碎骨 , 瀝乾水份 

2. 紅豆 , 綠豆 , 黑豆用水沖一沖洗及瀝乾 

3. 果皮刮去囊撕成細片 , 紅蘿蔔去皮切件 

4. 將紅豆 , 綠豆 , 黑豆放入煲內用中火炒數分鐘後放入美的智能高速鍋的煲內

5. 逐一加入豬骨 , 紅蘿蔔 , 赤小豆 , 生薏米 , 蜜棗及果皮 , 加入適量水拌勻 

6. 蓋上蓋先按<菜單> , 選擇煲湯功能 

7. 再按<烹飪模式> , 選擇快速模式 , 再按<開始> , 之後會有時間顯示需時多久

8. 期間將粉葛切件 , 用水沖一沖洗及瀝乾 

9. 高速鍋煮完後會發出嗶嗶聲響 

10. 此時安全眼會凸出 , 用手向右排氣 , 當安全眼落下代表排氣完成 , 便可打開鍋蓋

11. 將粉葛放入煲內拌勻 

12. 蓋上蓋再按<菜單> , 選擇煲湯功能 

13. 再按<烹飪模式> , 選擇標準模式 , 再按<開始> , 之後會有時間顯示需時多久 

14. 高速鍋煮完後會發出嗶嗶聲響 , 再一次排氣 

15. 最後加少許鹽調味拌勻即可

味道濃濃的湯水 , 而且湯渣夠多 , 仲有好多豆豆食呢 ^^