薑汁軟糖

大家喜歡薑嗎 ??? 袁太就好喜歡 , 薑味糖水 , 薑茶我統統都愛 , 仲要係喜愛勁重薑味 , 而且薑對女性好有益處 , 每月例牌不適個幾日 , 飲下薑茶 , 食下薑都可以減少痛楚 , 而且冬天手腳冰冷的時候 , 食薑都好好 ......



因為袁太一到冬天手腳就會好冰 , 由其係對腳 , 真係冰冷得好淒涼 , 所以有時袁太都會整下薑茶黎飲 , 除左薑茶 , 薑糖我都好喜歡 , 不過唔喜歡硬糖 , 只喜歡軟糖 , 其實在家自製薑軟糖絕對唔複雜 , 好簡單 , 而材料只需要薑 , 糯米粉 , 片糖 , 水同椰絲 , 將薑刨去皮切片再切粒 , 放入破壁機或攪拌機打成薑汁蓉 , 再渣出薑汁 , 連用糯米粉 , 片糖水拌勻就攞去蒸 , 蒸完放涼再入冰箱冷藏1小時 , 再切粒沾上椰絲就食得 , 暖食或放入雪櫃凍食味道都好好 , 呢個份量的薑軟糖無論甜度同薑味都好重 , 絕對啱晒喜愛重薑味的袁太



不過美中不足係由於自家製無添加 , 所以只可存放兩星期多dd就要食晒呢 , 之但係咁好味的薑糖一兩日可以沽清呢 ^^



材料 : 薑 , 片糖 , 糯米粉 , 椰絲 , 煲湯袋 , 水 , 刀 , 美的破壁機(BL1188) 

薑用刀背刮去皮 , 將薑肉切片再切粒 , 放入破壁機內蓋上蓋按1速打約兩分半鐘成薑汁蓉 , 將薑汁蓉放入煲湯湯內渣出薑汁 , 400g的薑可渣出200ml薑汁

將糯米粉放入大碗內 , 先加一半薑汁拌勻 , 再加入餘下薑汁拌勻至冇粉粒 , 片糖及水放入煲內 , 用慢火慢慢至糖溶 , 倒入薑汁糯米糊內拌勻

將材料用隔篩隔去雜質放上碟 , 蓋上錫紙後入鑊隔水蓋上蓋用中火蒸30分鐘 , 蒸好後除去錫紙 , 靜待30分鐘待涼 , 待涼後蓋上保鮮紙入冰箱冷藏1~2小時 , 1~2小時後從碟內起出 , 切成細件 , 兩面沾上椰絲後再用剪刀剪成粒狀 , 再每面平均沾上椰絲即可

材料
薑400g , 片糖200g , 糯米粉200g , 椰絲 , 煲湯袋 , 水70g , 刀 , 美的破壁機(BL1188)



做法
1. 薑用刀背刮去皮 

2. 將薑肉切片再切粒 , 放入破壁機內蓋上蓋按1速打約兩分半鐘成薑汁蓉 

3. 將薑汁蓉放入煲湯湯內渣出薑汁 , 400g的薑可渣出200ml薑汁

4. 將糯米粉放入大碗內 , 先加一半薑汁拌勻 

5. 再加入餘下薑汁拌勻至冇粉粒 

6. 片糖及水放入煲內 , 用慢火慢慢至糖溶 , 倒入薑汁糯米糊內拌勻 

7. 將材料用隔篩隔去雜質放上碟 , 蓋上錫紙後入鑊隔水蓋上蓋用中火蒸30分鐘 

8. 蒸好後除去錫紙 , 靜待30分鐘待涼 

9. 待涼後蓋上保鮮紙入冰箱冷藏1~2小時 

10. 1~2小時後從碟內起出 , 切成細件 , 兩面沾上椰絲後再用剪刀剪成粒狀 

11. 再每面平均沾上椰絲即可




自家製QQ薑汁軟糖 , 無論甜度同薑味都好重 , 而且口感煙煙韌韌 , 令人食完一粒又一粒呢 ^