豉油鴨舌

又來豉油系列食譜 , 袁生袁太好鬼鐘意豉油及滷水食物 , 之前就上傳過豉油雞翼雞蛋食譜同大家分享 , 今次同大家分享的係~豉油鴨舌~ , 其實做法都相差不大 , 都係將主材料出水抹乾 , 再加入豉油汁內煮一陣再焗至入味就得 ......



講開今日的主角~鴨舌~ , 袁生真的好喜歡好喜歡鴨舌呢樣食物 , 所以有時行開街市或急凍店 , 開始見有鴨舌賣 , 就會買半磅回家炮製小食俾袁生 , 佢經常話用來配啤酒好鬼正 , 一早整好由佢焗 , 焗7-8粒鐘就完全入晒味 , 最近袁生又要晚晚開夜車趕圖 , 夜晚又會肚仔餓 , 所以呢碟豉油鴨舌俾袁生做宵夜 , 配一罐啤酒就very good



袁太想問問大家 , 其實鴨舌除左烹調豉油鴨舌 , 滷水鴨吞 , 麻辣鴨舌外 , 仲可以用來煮什麼呢 ??? 如果大家有其他的鴨舌食譜 , 不過告知袁太 , 等袁太可以整俾袁生試下呢 ^^



材料 : 急凍鴨舌 , 八角 , 月桂葉 , 冰糖 , 薑絲 , 酒 , 蔥絲 , 水 , 美的早餐機(MZ-DSY18A)

鴨舌洗淨抹乾水份 , 放入美的早餐機的煲內 , 加蔥段及一半份量薑絲 , 少許酒 , 水(份量蓋過鴨舌面) , 蓋上蓋按<蒸 / 煮>功能 , 時間調至10分鐘 , 將出水的鴨舌盛起用水沖一沖洗 , 再加入冰水浸10分鐘 , 10分鐘後將鴨舌瀝乾水份再抹乾水份

早餐機的煲仔加入八角 , 月桂葉 , 冰糖及餘下薑絲 , 逐一加入豉油汁材料 , 加入600ml水拌勻 , 蓋上蓋按<蒸 / 煮>功能 , 時間調至5分鐘 , 煮至冰糖溶掉 , 放入鴨舌拌勻再蓋上蓋按<蒸 / 煮>功能 , 火力調低至300 , 時間調至10分鐘 , 煮10分鐘後熄火浸焗至入味(浸的時間越耐越入味 , 不過最少要浸焗1小時) , 食時再煮滾即可(如用明火 , 將鴨舌放入豉油汁內蓋上蓋用慢火煮10分鐘後熄火焗至入味

材料
急凍鴨舌半磅 , 八角3粒 , 月桂葉4-5片 , 冰糖 , 薑絲 , 酒 , 蔥絲 , 水600ml , 美的早餐機(MZ-DSY18A)

豉油汁
生抽4湯匙 , 老抽3湯匙 , 酒1湯匙



做法
1. 鴨舌洗淨抹乾水份 

2. 放入美的早餐機的煲內 , 加蔥段及一半份量薑絲 , 少許酒 , 水(份量蓋過鴨舌面) 

3. 蓋上蓋按<蒸 / 煮>功能 , 時間調至10分鐘 

4. 將出水的鴨舌盛起用水沖一沖洗 , 再加入冰水浸10分鐘 

5. 10分鐘後將鴨舌瀝乾水份再抹乾水份

6. 早餐機的煲仔加入八角 , 月桂葉 , 冰糖及餘下薑絲 

7. 逐一加入豉油汁材料 , 加入600ml水拌勻 

8. 蓋上蓋按<蒸 / 煮>功能 , 時間調至5分鐘 , 煮至冰糖溶掉 

9. 放入鴨舌拌勻再蓋上蓋按<蒸 / 煮>功能 , 火力調低至300 , 時間調至10分鐘 

10. 煮10分鐘後熄火浸焗至入味(浸的時間越耐越入味 , 不過最少要浸焗1小時) 

11. 食時再煮滾即可
     (如用明火 , 將鴨舌放入豉油汁內蓋上蓋用慢火煮10分鐘後熄火焗至入味




一早整好的豉油鴨舌 , 浸7-8鐘頭至完全入味 , 無論晚餐或宵夜 , 加餸還是肚仔餓 , 只要煮熱就食得 , 真係好方便呢 ^^