金銀菜羅漢果魚尾煲豬手骨湯

袁太一向都好鐘意飲湯 , 每星期點都會煲一次湯 , 不過最近感覺少左煲湯 , 而且最近天氣鬼死咁熱 , 一時陽光普照熱死辣辣 , 一時就天黑黑落大雨 , 咁的天氣真係好糟糕 ......



早前袁太媽咪整左豬手 , 俾左d豬手肉我 , 問媽咪豬手骨要唔要 , 唔要就俾我煲湯 , 以往用豬手煲湯 , 多數都配青紅蘿蔔 , 不過見最近天氣乾乾地 , 就去街市買大白菜 , 菜乾 , 羅漢果配豬手骨煲 , 另外再配上魚尾同煲 , 有魚湯的香味 , 有羅漢果的甘味 , 用美的智能高速鍋幫手 , 好快就有靚湯飲呢 ^^



材料 : 大白菜 , 甘旬 , 魚尾 , 豬手骨 , 菜扎 , 薑 , 羅漢果 , 果皮(預先浸軟再去囊) , 鹽 , 胡椒粉 , 美的智能高速鍋(MY-SS5033)

菜乾放入煲內加水浸過面靜待30分鐘 , 期間將魚尾用水沖洗乾淨抹乾水份 , 大白菜切好加少許鹽及水浸過面靜待10分鐘再洗淨 , 甘旬去皮切件 , 薑去皮切片 , 羅漢果切半 , 菜乾浸水30分鐘後用水沖洗乾淨 , 渣乾水份略切段

薑片放入鑊中爆香 , 放入魚尾煎至兩面金黃色 , 加入熱水蓋上蓋用中火煲20分鐘 , 魚湯煲20分鐘後成奶白色湯底 , 先將魚尾盛起

逐一將豬手骨 , 甘旬 , 菜乾 , 羅漢果 , 果皮及薑片放入美的智能高速鍋的煲內 , 加入魚湯拌勻 , 蓋上蓋先按<菜單> , 選擇煲湯功能 , 再按<烹飪模式> , 選擇標準模式 , 再按<開始> , 之後會有時間顯示需時多久

高速鍋煮完後會發出嗶嗶聲響 , 此時安全眼會凸出 , 用手向右排氣 , 當安全眼落下代表排氣完成 , 便可打開鍋蓋 , 加入魚尾及大白菜拌勻 , 蓋上蓋按<菜單> , 選擇煲湯功能 , 再按<烹飪模式> , 選擇快速模式 , 再按<開始> , 之後會有時間顯示需時多久 , 高速鍋煮完後會發出嗶嗶聲響 , 再一次排氣 , 最後加少許鹽及胡椒粉調味拌勻即可

材料
大白菜1斤 , 甘旬1條 , 魚尾1條 , 豬手骨1條 , 菜扎1扎 , 薑 , 羅漢果1/2個 , 果皮1塊(預先浸軟再去囊) , 鹽 , 胡椒粉 , 美的智能高速鍋(MY-SS5033)



做法
1. 菜乾放入煲內加水浸過面靜待30分鐘

2. 期間將魚尾用水沖洗乾淨抹乾水份 

3. 大白菜切好加少許鹽及水浸過面靜待10分鐘再洗淨 

4. 甘旬去皮切件 , 薑去皮切片 , 羅漢果切半 

5. 菜乾浸水30分鐘後用水沖洗乾淨 , 渣乾水份略切段

6. 薑片放入鑊中爆香 , 放入魚尾煎至兩面金黃色 , 加入熱水蓋上蓋用中火煲20分鐘 

7. 魚湯煲20分鐘後成奶白色湯底 , 先將魚尾盛起

8. 逐一將豬手骨 , 甘旬 , 菜乾 , 羅漢果 , 果皮及薑片放入美的智能高速鍋的煲內

9. 加入魚湯拌勻 

10. 蓋上蓋先按<菜單> , 選擇煲湯功能 , 再按<烹飪模式> , 選擇標準模式 , 再按<開始> 

11. 之後會有時間顯示需時多久 

12. 高速鍋煮完後會發出嗶嗶聲響

13. 此時安全眼會凸出 , 用手向右排氣 , 當安全眼落下代表排氣完成 , 便可打開鍋蓋

14. 加入魚尾及大白菜拌勻 

15. 蓋上蓋按<菜單> , 選擇煲湯功能 , 再按<烹飪模式> , 選擇快速模式 , 再按<開始> 

16. 之後會有時間顯示需時多久

17. 高速鍋煮完後會發出嗶嗶聲響 

18. 再一次排氣 , 最後加少許鹽及胡椒粉調味拌勻即可 




又係足料炮製的滋潤美味的金銀菜羅漢果魚尾煲豬手骨湯 , 有甘香的羅漢果味及魚湯的甜味 , 而且還有大白菜 , 菜乾做湯渣 , 好飽飽呢 ^^