香橙薏米水

每年夏天 , 袁太一定會煲薏米水 , 以往一向都只會用香茅或檸檬配上薏米 , 不過幾年前袁生開始唔太喜歡檸檬 , 話味道比較酸 ......



唔知大家又試過香橙薏米水未呢 ??? 大家冇睇錯 , 袁太亦都冇打錯字 , 係香橙呀 , 事緣其實袁太一向都喜愛食橙 , 大家知喇 , 係街市買橙通常十蚊都有幾個 , 袁生又一向唔食橙既 , 事問我點可以一個人食晒咁多個橙呢 , 所以就膽粗粗轉用香橙配薏米 , 估唔到誤打誤撞的情況下 , 香橙配薏米味道相當夾 , 味道比檸檬還要好味 , 一飲就愛上了 , 而且顏色靚靚 , 如果大家都厭倦了檸檬薏米水的話 , 不妨轉用甜橙煲 , 相信大家一定會喜歡呢



由於袁太係用破壁機將橙肉連渣打成橙汁蓉 , 所以顏色比較接近橙的顏色 , 如用人手渣出橙汁的話 , 相對顏色會比較淺 , 薏米水可熱飲或凍飲 , 剛煲起就飲杯熱 , 其他待涼後入樽放雪櫃至凍一凍慢慢嘆 , 最重要係食埋d薏米同橙肉 , 美味又有益呢 ^^



材料 : 生薏米 , 橙 , 冰糖 , 水 , 美的早餐機(MZ-DSY18A) , 美的破壁機(BL1188) 

生薏米用水沖一沖洗及瀝乾 , 將生薏米放入煲內 , 加2800ml水拌勻 , 蓋上蓋按<蒸 / 煮>功能先煮滾 , 再將火力調低 , 時間調至1小時(如用明火 , 先用中火煮滾 , 滾後除去面上泡沫後拌一拌勻 , 再蓋上蓋轉慢火煲1小時 , 期間小心滾瀉)

將1個橙的橙皮刨去切絲(注意不要刨到白色部份) , 將3個橙去皮起出橙肉 , 2/3份量的橙肉放入美的破壁機內蓋上蓋 , 按1速打成橙汁蓉 , 盛起(如家中沒有破壁機 , 可用攪拌機代替 , 如家中沒有任何機器 , 可用手渣出橙汁 , 不過煲出來的薏米水會比較淺色) , 餘下1/3份量的橙肉切粒或撕成細塊

 

薏米煲1小時後加入橙皮絲拌勻熄火焗20分鐘 , 將全部橙皮絲盛起去掉 , 加入橙汁蓉及冰糖拌勻 , 轉用中火不停拌勻煮至冰糖完全溶掉 , 最後加入橙肉拌勻熄火焗10分鐘即可 

材料 
生薏米$5 , 橙3個 , 冰糖 , 水2800ml , 美的早餐機(MZ-DSY18A) , 美的破壁機(BL1188) 
 


做法
1. 生薏米用水沖一沖洗及瀝乾 , 將生薏米放入煲內 , 加2800ml水拌勻 

2. 蓋上蓋按<蒸 / 煮>功能先煮滾 , 再將火力調低 , 時間調至1小時
   (如用明火 , 先用中火煮滾 , 滾後除去面上泡沫後拌一拌勻 , 再蓋上蓋轉慢火煲1小時 , 期間小心滾瀉)

3. 將1個橙的橙皮刨去切絲(注意不要刨到白色部份) 

4. 將3個橙去皮起出橙肉 

5. 2/3份量的橙肉放入美的破壁機內蓋上蓋 , 按1速打成橙汁蓉 , 盛起
   (如家中沒有破壁機 , 可用攪拌機代替 , 如家中沒有任何機器 , 可用手渣出橙汁 , 不過煲出來的薏米水會比較淺色) 

6. 餘下1/3份量的橙肉切粒或撕成細塊

7. 薏米煲1小時後加入橙皮絲拌勻熄火焗20分鐘 

8. 將全部橙皮絲盛起去掉 , 加入橙汁蓉及冰糖拌勻 

9. 轉用中火不停拌勻煮至冰糖完全溶掉 , 最後加入橙肉拌勻熄火焗10分鐘即可 




香香甜甜的橙味 , 仲有薏米同橙肉食 , 而且薏米水可熱飲或待涼後放入雪櫃冷藏都得 , 絕對值得推介俾大家呢 ^^