紫菜肉碎魚蛋湯

今日又用濃湯寶幫手滾湯喇!
因為袁太覺得用濃湯寶滾湯會香好多,
起碼唔驚d湯冇味又俾袁生話,
之前媽咪俾左塊紫菜我一直都未用,
就用黎滾湯喇!
其實我最想加埋魚皮餃一齊滾,奈何袁生係唔食魚皮餃,
咁為有改用魚蛋滾喇!
不過都一樣咁好味!

~紫菜肉碎魚蛋湯~食譜

材料 : 紫菜-1塊 / 魚蛋-6粒 / 豬肉碎-$10 / 家樂牌濃湯寶鮮魚濃湯-1粒


 做法:

 1.豬肉用少許鹽,胡椒粉略醃一陣,備用.


 2.煲內放入適量的水,待滾後,加入家樂牌濃湯寶鮮魚濃湯.
 3.加入豬肉碎,紫菜,用大火滾20-30分鐘,再加入魚蛋,轉慢火再滾10-15分鐘,下少許鹽調味,即可.