豆角餐肉粒炒滑蛋

今日又炒滑蛋喇!
因為屋企仲有罐午餐肉係度,
橫掂今日都未諗到煮咩餸,
一於整埋佢喇!
何況天氣咁熱,袁生都冇咩胃口,
都係整比較簡單的餸好d,
同埋袁生一直都鐘意食炒蛋,
袁太諗袁生應該會鐘意今日的餸掛,
雖然整袁生鐘意食的炒蛋,
但當中都加埋袁太最鐘意的午餐肉,
所以未煮都覺得好好味!



~豆角餐肉粒炒滑蛋~食譜

材料 : 雞蛋-4隻 / 豆角-5條 / 午餐肉-1罐

 

 

1.豆角切粒後,用少許雞湯煮10分鐘,撈起,備用.
 
2.午餐肉切粒後,下鑊煎一煎,撈起,備用.

3.雞蛋打發後,加入少許生抽調味,再將豆角粒,午餐肉粒與蛋液拌勻.
4.燒紅鑊,將蛋液慢慢倒入鑊中,加多些油,拌勻,在凝結成固體前撈起,即可.