消暑蛋花大菜糕

而家天氣日日都咁熱,
除左煲冬瓜湯,食雪條,飲汽水之外,
大菜糕都係一個唔錯的消暑食品黎架!
不過其實袁太一次都冇整過,
記得細細個的時候,街邊好多地方都有得賣,
而家就比較小喇!
又或者以前婆婆成日整俾我同家姐食,
但自從婆婆過身之後,
好多野都冇得再食喇!
之後偶然媽咪都會整的,
媽咪整的大菜糕同燉蛋永遠都係最好食的!



因為袁太真係好想食大菜糕的關係,
終於就去買材料番屋企,
但袁太梗本未整過,
所以又要打俾媽咪問下個步驟先,
其實整的過程一d都唔難,仲好好味添!
袁太最鍾意就係d蛋花喇!



~消暑蛋花大菜糕~食譜

材料 : 大菜-20g / 水-550ml / 冰糖-適量(隨個人喜好而定) /  雞蛋-1隻                    
                                

1.大菜絲洗淨剪碎浸水10分鐘,瀝乾水份備用.

2.燒滾水,將冰糖,大菜煮至溶解.

3.將雞蛋打勻後倒入大菜溶液中成蛋花.
4.待大菜溶液稍為冷卻後裝入模中,放於雪櫃中冷凍至凝固即可.