夏天煲粉葛係一個最好的選擇,
但袁太次次煲粉葛都係用赤小豆扁豆,
所以今次就試下用眉豆花生煲,
再加埋雞腳添!
唔知點解,最近袁太好鍾意煲湯都加雞腳,
覺得加左雞腳之後,
煲湯會即刻香好多,
但袁生就成日話袁太做咩下下都落雞腳,
可能袁生唔食雞腳的關係掛,
好彩煲出黎袁生都好鍾意,
原來粉葛用眉豆花生煲,
味道都好夾架!
~粉葛眉豆花生雞腳瘦肉湯~食譜
做法:
2.瘦肉飛水撈起備用.
3.雞腳剪去腳甲後出水,放入凍水30分鐘,備用.
4.粉葛,紅蘿蔔去皮切件,備用.
5.煲內放入適量的水,滾後放入蜜棗,眉豆,花生,瘦肉用大火煲30分鐘.
5.再加入粉葛,紅蘿蔔用大火煲30分鐘後,下雞腳後轉慢火煲1小時,下少許鹽調味,即可
沒有留言:
張貼留言