青紅蘿蔔猴頭菇鯊魚骨瘦肉湯

係時候又要煲湯俾袁生飲喇!
不過今日煲咩湯好呢
問過袁生架喇!但都係個句"你諗喇!"
唉...咁究竟煲咩好呀!
突然醒起廚房仲有包湯包,就今晚煲埋佢喇!
費時留咁耐!



平時袁太煲猴頭菇湯多數會落雞一齊煲,
因為落雞煲會香好多,濃味d!
但今次反而想清清地,所以唔落雞喇!
咁如果用青紅蘿蔔煲會唔會好怪呢?
因為以前都未試過咁樣煲,
不過煲湯就係咁,
咩材料都試下煲,話唔定可以煲出一碗靚湯呢!
袁太今次足足煲左2個幾鐘,
煲出黎真係好清,好好味!
袁生都覺得好好飲!
仲飲左兩碗咁多添!



~青紅蘿蔔猴頭菇鯊魚骨瘦肉湯~食譜

材料 : 猴頭菇鯊魚骨湯-1包 / 青蘿蔔-1條 / 紅蘿蔔-1條 / 瘦肉-$10

做法:

1.猴頭菇浸水15分鐘,紅蘿蔔,青蘿蔔去皮切件.

2.鯊魚骨出水,瘦肉飛水,備用.

 
3.煲內放入適量的水,凍水落蜜棗,待滾後,加入瘦肉,湯包的材料用大火煲30分鐘.
4.再加入紅蘿蔔,青蘿蔔煲30分鐘後,轉慢火煲1 1/2小時,下少許鹽調味,即可.