因有時放工放的原故，但又唔想落街食，開罐金寶湯就咩問題都解決了
何況最近袁太成日要去醫院，來來回回番到屋企都已經係夜深
又想煮餐飯俾袁生食，唔通日日都叫外賣咩 ???
就算袁生肯，我都唔肯，所以就選擇煮比較快捷的餸菜
而百寶箱(雪櫃)有豬扒，只要簡簡單單買個洋蔥，本菇，再加上金寶湯
唔需要好長時間已經整好呢碟"白汁洋蔥豬扒"
以前整豬扒多數整洋蔥豬扒，袁生都話袁太整得味道比較淡
反而今次的白汁豬扒，袁生相當滿意 !
~白汁洋蔥豬扒~
材料 : 無骨豬扒<3塊>，洋蔥<1個>，本菇<1包>，金寶蘑菇忌廉湯<1罐>
醃料 : 生粉，糖，生抽，麻油，水<少許>
做法 :
1. 豬扒一開三切好後用刀背拍一拍，加入醃料拌勻醃15分鐘
2. 洋蔥去皮切絲，本菇洗淨去蒂，金寶湯加水煮成湯後盛起備用
3. 燒紅鑊，將豬扒煎至兩面金黃熟透盛起
4. 再燒紅鑊，爆香洋蔥至軟身，再加入榻菇炒至熟透，加入金寶湯拌勻至滾起及煮至杰身
5. 最後將豬扒回鑊兜勻即可
金寶湯真係幾方便
回覆刪除味道調好晒唔需要煩
[版主回覆06/18/2012 15:39:59]係呀,方便番到屋企夜但又想煮飯既人!
因為味道巳經整好, 我覺金寶一向偏鹹, 可以唔使加鹽~
回覆刪除不過我會加片裝芝士落去....好好味架~
[寧靜中的不寧靜回覆06/20/2012 07:04:38]咁又係~~~~~~~~~~~~~~~~
[版主回覆06/19/2012 16:33:41]唔駛問喇,佢一定讚成架!
[寧靜中的不寧靜回覆06/19/2012 07:36:41]芝士可以整杰D汁.......李錦聯好鍾意咁用架....哈哈.......片裝芝士, 摲成數小片~ 不過都係果句, 問左袁生好唔好加先.....哈哈
[版主回覆06/18/2012 15:37:19]如果加埋芝士,會唔會流左d呢?
我會用磨菇...
回覆刪除[版主回覆06/18/2012 22:35:48]我都鐘意蘑菇，但袁生麻麻地架咋，所以都係用本菇好d！