最近係街市見到有通菜賣，就買左半斤回家
初時想簡簡單單整腐乳通菜，因為袁生喜歡
我記得以為係超市見過有椒絲腐乳的現成醬包賣
但好可惜而家已經找不到了，袁太亦有想過買一樽細腐乳自己整
但實在有太多唔同牌子的腐乳醬，都唔知邊款先好味道
所以都係打消念頭，轉用蝦醬整
如果用蝦醬炒通菜就一定唔少得加埋牛肉，何況蝦醬牛肉炒通菜
袁生都好愛呢
不過今次好似重手左少少，袁生話鹹左D !
材料 : 通菜<半斤>，牛肉<$15>，蝦醬<適量>，蒜頭<1粒>
醃料 : 生油，生粉，生抽<少許>
做法 :
1. 牛肉切片，加入醃料醃30分鐘後走油盛起
2. 通菜洗淨，摘段，蒜頭去衣剁成蓉
3. 燒紅鑊，爆香蒜蓉，放入通菜炒至軟身，將牛肉回鑊兜勻，加入適量蝦醬及水炒片刻即可
我都覺得用蝦醬炒野真係香噴噴~
回覆刪除不過唔鐘意陣味果D就會呱呱嘈~
[版主回覆06/07/2012 22:33:27]加左蝦醬真係惹味好多,不過其實有d腐乳味道我都覺得好難聞!
牛肉........岩哂我呢個牛魔王....~
回覆刪除[寧靜中的不寧靜回覆06/12/2012 07:44:23]椰菜花都一樣非常唔鍾意....哈哈哈.....
我就食早餐一定要飲番杯....."一日之計在於奶茶"呀.........
[版主回覆06/10/2012 11:44:37]袁生luuch一定要飲奶茶,有時仲一日兩杯添,哎呀,原來我打錯,係椰菜花先啱,唔係架,用芝士焗都唔錯架!
[寧靜中的不寧靜回覆06/10/2012 07:49:52]我每日都要飲一杯先安樂架.....鍾意茶味濃少少~
椰菜心係唔係白色, 好似西蘭花果D? 如果係, 我就非常唔唔唔鍾意.....因為淡mou mou......
[版主回覆06/09/2012 17:16:29]袁生都係奶茶怪黎架,我今晚會整呢個芝士焗椰菜心,唔知你會唔會鐘意呢???
[寧靜中的不寧靜回覆06/09/2012 07:37:26]我日日都要食肉架...
我仲係芝士怪, 澱粉質怪添......仲有, 奶茶怪~
[版主回覆06/08/2012 22:18:10]係首位食肉獸派弟子,哈哈...
[寧靜中的不寧靜回覆06/08/2012 08:42:50]我乜肉都岩.....雞肉, 牛肉, 豬肉.......我係食肉獸 派既弟子.....呵呵
[版主回覆06/07/2012 22:32:04]梗係啱你喇,你係食肉獸黎架